FSB, işğal etilgen Qırımda 37 yaşındaki Keriç sakinini tuttı. Oña qarşı «devlet hainligi» içün cinaiy dava açıldı. Tahqiqatnıñ versiyasına köre, qırımlı Telegramda subet açtı, mında Ukrayina Silâlı quvetleri içün para toplav teşkil etildi. Adamnı apiske aldılar.
Rusiye FSBsi cemaat alâqaları merkezi bu aqqinda bildire, dep RİA Qırım Haberler agentligi berim ayınıñ 23-nde haber ete.
«O, UHH idare etken Telegram-botqa yarımadada yerleşken AMS ve diger arbiy obyektlerniñ yerleşüv yerleri aqqında malümat yolladı», — dep FSB haberinde aytıla.
Daa evel işğal etilgen Aqyarda 31 yaşındaki erkekni «terror teşkilâtınıñ faaliyetini teşkil etüv ve onıñ faaliyetinde iştirak etüv» ve «devlet hainliginde» şübheli sayıp tuttılar. Tahqiqatnıñ versiyasına köre, o, Ukrayina arbiy istihbaratına Rusiye Federatsiyasınıñ Qara deñiz flotunıñ obyektleriniñ fotoresimlerini bere edi.
«Tribunal. Qırım epizodı» cemaat teşkilâtınıñ evel bildirgenine köre, Rusiye mahkemelerinde 2026 senesiniñ birinci yarısında «casuslıq» ve «devlet hainligi» qabaatlavı boyunca 284 cinaiy iş baqıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız