İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 31 yaşındaki erkekni «terror teşkilâtınıñ faaliyetini teşkil etüvde ve onıñ faaliyetinde iştirak etüv»de ve «devlet hainligi»nde şübelep tuttılar. Tahqiqatnıñ versiyasına köre, o, Ukrayina arbiy istihbaratına Rusiye Federatsiyası Qara deñiz flotunıñ obyektleriniñ fotoresimlerini bere edi.
FSB matbuat hızmeti bunı bildirdi, dep haber ete RİA «Novosti Krım» Rusiye teşviqat haber agentligi ilk küz ayınıñ 22-nde.
FSB, tutulğan şahıs, «Rusiyede yasaq etilgen terror teşkilâtınıñ gruppası» vastasınen Telegramda Ukrayina Mudafaa nazirliginiñ Baş istihbarat idaresiniñ hadimi olaraq vazifelerini eda etkenini bildirdi.
Hımzetniñ bildirgenine köre, adam arbiy obyektlerniñ yerleşüvini ögrendi, olarnı kamerağa çekti ve fotoresimlerni yolladı. Tintüv vaqtında ondan telefonı alındı, onda mütehassısnen yazışuvlar bar edi, dep bildirdi FSB.
O qoştı ki, adamğa, qabaatlağan maddelerge köre, ömürlik apis cezası berile bilir. O, apiske alındı.
Daa evel Moskvada Sevastopol (Aqyar) sakini «Ukrayinağa silâ kontrabandası ile temin etüv»de qabaatlanıp tutuldı. Onı devlet hainliginde qabaatlaylar.
«Tribunal. Qırım epizodı» cemaat teşkilâtınıñ evel bildirgenine köre, Rusiye mahkemelerinde 2026 senesiniñ birinci yarısında «casuslıq» ve «devlet hainligi» ile bağlı 284 cinaiy dava baqıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız