Ukrayina Rusiyeniñ deñiz müitini qorçalamaq içün mesül olğan Qara deñiz komissiyasına başlıqlıq etmege tırışqanını yasaq etti. Bu aftanıñ başında Rusiye, öz agressiyası Qara deñizge ketirgen zararğa baqmadan, organda yetekçi yerni almağa tırıştı.
Halqara Qara deñiz künü (31 ekim ayı) X içtimaiy ağında Ukrayina tış işler naziri Andrey Sıbiğa bu aqqında yazdı.
Bu yıqıcılıqtan mesül olğan Rusiyeniñ Qara deñiz komissiyasına başlıqlıq etmege tırışqanı ayrıca açuvlandırıcıdır. Bu aftanıñ başında Ukrayina bu areketni qapattı. Qara deñizniñ qorçalanuvını sistematik sürette bozğan devletke onıñ qorçalanması içün mesül organğa yolbaşçılıq etmege işanmaq mümkün degil. Men bütün Qara deñiz devletlerini Rusiyeniñ areketlerine qarşı çıqıp, onıñ ketirgen zararları içün cevapkârlıqnı talap etmekte daa büyük qararlılıq köstermege çağırayım. Bu tecavuznıñ neticelerini epimiz paylaşamız. «Region şimdi areket etmeli, daa ögüne keçmek mümkün olğan yoq eticilikniñ neticelerini yoq etmek içün on yıllar sarf etmemek kerek», — Andrey Sıbiğa qayd etti.
O, Rusiye tecavuzınıñ Qara deñizge ketirgen felâket aqibetlerine diqqat celp etüvniñ müimligini qayd etti.
'Rusiye tarafından Qırımnıñ işğali ve arbiyleştirilmesi, gemilerniñ yollarınıñ bozuluvı, em de Ukrayina limanları ve yalı infrastrukturasına yapılğan ücümler Qara deñizge ciddiy zarar ketirdi. Moskva deñizni er bir yalı boyu memleket içün daa telükeli yaptı, deñiz ekosistemlerini, gemilerniñ serbestligini, halqara ticaretni ve global aşayt telükesizligini telükege oğrattı. 2014 senesinden berli Putinniñ imperatorlıq ıntıluvları Rusiyeni Qara deñiz içün eñ büyük telüke yaptı, onıñ suvlarını arbiy meydanğa çevirdi ve bütün region içün kirlilik, viranlıq ve telüke menbası oldı«, — dep qayd etti nazir.
Qara deñizde yaşağan iç bir memleket zarar körmey bile, ve Rusiye cenkini devam ettirgen sayın, bütün bölge daa yüksek fiyat ödeycek, dep hatırlattı Sıbiğa.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız