2026 senesi ilk küz ayınıñ 20-nde Rusiyede Devlet Dumasına saylavlar keçirilmesi planlaştırıla. Ukrayina nıñişğal etilgen topraqlarında, şu cümleden Qırımda, müddetten evel rey berüv başlandı. İşğal altındaki ukrayinlerni qanunsız saylavlarda iştirak etmemege çağıralar.
QUQGQırım uquq qorçalayıcı gruppasınıñ saytında yazılğanı kibi, 9 cemaat teşkilâtı, hayriye fondları ve uquq qorçalayıcı leyhalar, Rusiyeniñ Devlet Dumasına qanunsız saylavlar keçirilmesine dair, VİETvaqtınca işğal etilgen topraqlarda yaşağan ukrayin vatandaşlarına muracaatnı imzaladı.
Uquq qorçalayıcılar añlatalar ki, Rusiye saylav esnasını Ukrayinanıñ vaqtınca işğal etilgen topraqlarına kenişlete. Bu maqsat ile o, topraq ve bölük saylav eyyetlerini meydanğa ketire, çağıruv ve teşviqat yapa.
Ukrayina böyle «saylavlar»nı qanuniy olaraq tanımay. Ukrayina Merkeziy saylav eyyeti qayd ete ki, vaqtınca işğal etilgen Ukrayina topraqlarında Rusiye tarafından teşkil etilgen er angi «saylav esnasları» qanunsızdır, olarnıñ neticeleri ise uquqiy quvetke malik degil.
Ukrayina Tış işler nazirligi qayd ete ki, vaqtınca işğal etilgen topraqlarda Rusiye saylavlarınıñ keçirilmesi saylav esnasını Rusiye işğali ve Ukrayina topraqlarınıñ ilhaq ıntıluvlarını qanuniyleştirmek içün qullanmaq ıntıluvıdır.
«Bizler, Ukrayinağa qarşı silâlı tecavuz neticesinde zarar körgenlerniñ aqlarını qorçalav meseleleri ile oğraşqan Birleşmeniñ teşkilâtlarınıñ temsilcilerimiz, vaqtınca işğal etilgen topraqlarnıñ sakinlerini işğal altındaki qanunsız Rusiye saylavlarınıñ teşkil etilmesinde ya da keçirilmesinde iştirak etmemege çağıramız: saylav eyyetlerinde çalışmamağa, namzet ya da teşviqatçı olmağa razı olmağan, er angi teşkilâtnıñ közeticisi olmağan, işğalli akimiyet tarafından teşkil etilgen cemaat tedbirlerinde iştirak etmemege çağıramız», — dep qayd etildi umumiy beyanatta.
Hatırlatamız ki, vaqtınca işğal etilgen topraqta qanunsız saylavlar ve/ya da referendumlarnıñ teşkil etilmesi ve keçirilmesinde iştirak etüv ya da bunıñ kibi qanunsız saylavlarnıñ keçirilmesine açıq çağıruvlar Ukrayina qanunlarına köre duşmannen işbirlik faaliyetiniñ cinayeti sayıla ve azatlıqtan marum etüv şeklinde mesüliyetke çekile. Siyasiy tedbirlerniñ teşkil etilmesi ve keçirilmesi de qanunsızdır.
«Vaqtınca işğal etilgen topraqlarnıñ sakinlerini ilk evelâ öz ayatını, sağlığını ve öz telükesizligini qorumağa çağıramız», — dep qayd etildi ZMINA insan aqları merkezi, Qırım uquq qorçalayıcı gruppası, «Donbass SOS» cemaat teşkilâtı, «Krizisni añlamaq» cemaat teşkilâtı, «QIRIMSOS» cemaat teşkilâtı, «Şarq SOS» maliye fondu, «ĞRUPPA VPLIVU» cemaat holdingi, «Stabilization Support Services» maliye fondu, «Qorçalav aqqı» maliye fondu imzalağan beyanatta.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız