Ukrayinada Qırımdan eki mahkemeci devlet hainligiUkrayina CQniñ 111-nci maddesiniñ 1-nci qısmı içün 13 yılğa ğıyabiy şekilde üküm etildi. Olardan biriniñ mülkü musadere etilecek. Tahqiqatnıñ malümatına köre, yarımada Rusiye tarafından işğal etilgen soñ, olar antnı bozıp, işğalcilerniñ menfaatları içün «adalet»ni yerine ketirdiler.
İlk küz ayınıñ 8-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığınıñ saytında bu aqqında haber etildi.
Uquq qorçalayıcı organlardaki bir menba anonim şeklinde Suspilne Qırımğa ayttı ki, söz Timur Slezko ve Roman Novikov aqqında kete.
«Prokurorlar, yarımada RF Silâlı quvetleri tarafından işğal etilgen soñ, mahküm etilgenler Ukrayina halqına sadıqlıq antını bozıp, duşmanğa hızmetke keçkenlerini isbatladılar. Hususan, olardan biri "Qırım Cumhuriyeti Yuqarı mahkemesi"niñ mahkemecisi, digeri ise "Qırım Cumhuriyeti Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeeriniñ Jeleznodorojnıy rayon mahkemesi«niñ mahkemecisi vazifelerini aldı. Bu vazifelerde olar istilâcı devletniñ adından ve menfaatları içün "adalet"ni yerine ketire ediler. Öz areketleri ve qararları ile mahküm etilgenler yarımadada mahkeme akimiyetiniñ işğalli organlarınıñ meydanğa ketirilmesine ve pekitilmesine yardım ettiler, em de Rusiye temsilcilerine Ukrayinağa qarşı bozuv faaliyetini alıp barmaqta yardım ettiler», — dep añlattı prokurorlıq.
Açıq menbalarnıñ malümatına köre, işğalli «Simferopolnıñ Zaliznıçnıy rayon mahkemesi»nde şimdi de Timur Slezko, Roman Novikov ise «Qırımnıñ Yuqarı mahkemesi»nde (onıñ fotoresimi işğalli Qırım portallarında yerleştirilmedi) çalışa.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız