İnsansız sistemalar quvetleriniñ 413-inci polknıñ arbiy hızmetçisi Oleksiy Qırımnıñ çöl qısmından kele. 2014 senesi yarımada işğal etilgen soñ, o, Rusiye tarafından işğal etilgen vaqıt yarımadada yaşamamağa qarar aldı. Ve tolu miqyaslı istilâdan soñ USQniñ terkibine qoşuldı.
«Oğlumnıñ da Qırımnı körmesini ister edim. Eminim ki, vaqıt keçkeninen böyle olacaq», — dey Oleksiy.
Qorantası aqqında telükesizlik tedbirleri sebebinden çoq aytmay. Şimdi ise, arbiy işnen oğraşa, dep ayta.
«Ukrayina arbiyl hızmetçisi işğalden azat etilgen topraqlarda turmağanına qadar, biz bu işğalden azat etilüvni tolu dep sayıp olamaymız. Amma, bütün Ukrayina Mudafaa quvetleri, bizim polk ve insansız sistemalar quvetleri kibi, öz areketlerimiznen biz bu temelni quramız ve işğalden azat etüvini yaqınlaştıramız», — dep qayd etti «Qırım».
O, öz lâğabını, tuvğan eviniñ hatırası olaraq sayladı. Hususan Saq, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Tarhan QutYarımadanıñ eñ ğarbiy noqtası olğan ve ğayet şeffaf suvları, qayalı yalıları ve vahşi tabiatınen belli olğan Qırımnıñ ğarbiy yalısında burunnıñ plâjlarını özley.
«Meniñ lâğabım Qırımdır. Onı Qırımdan olğanım içün sayladım, belki de özüm içün de qaydan olğanımnı unutmamaq içün ve başqaları da bizde böyle bir şey olğanını hatırlasın dep. Men Qırımnıñ çöl qısmında doğdım ve büyüdim. Biz epimiz QCYQırımnıñ Cenübiy yalısını bilemiz, o pek yahşı, pek güzel. Amma menim içün — er vaqıt bizim plâjlarımız edi, Saq, Yevpatoriyadan (Kezlev — terciman) başlap, Tarhan Qut tarafına», — dey asker.
Soñki vaqıtları USQniñ İSQniñ 413-nci polku Rusiye kölge flotunıñ, ruslarnıñ AMS ve Moskva vilâyetinde yaqıy-yağ malzemeleri anbarlarınıñ yoq etilmesinde iştirak etti.
«Bu ameliyatlarnıñ er birini qıymet kesmemek ve çoq qıymet kesmek qıyın. Bizim polkumız tek Qırım işinde degil, esasen şimalde, şarqta ve cenüpte çalışa. Elbette, bilgeniñ işğal etilgen topraqta çalışqan oğlanlarnı körmek er vaqıt hoş. Men bunı er vaqıt diqqatnen közetem», — dey Oleksiy.
2014 senesi Qırımnıñ Rusiye tarafından işğali aqqında haberlerden ögrengenini hatırlay. O vaqıt o, Kıyivde edi, Maydanda iştirak etti. O añlata ki, Rusiye orduları yarımadadaki ukrayin qısımlarını blok etip başlağanda vaziyet çaresiz kibi körüne edi.
«İşğalki ordunıñ ordularınıñ bizim arbiy bölüklerimizni, gemilerimizni blok etkenini körgenimizde, ve körgenimiz kibi, o vaqıt olar içüm bu muvafaqiyetli ve tez oldı, vaziyet kergin olğanı añlaşıl edi. Epimiz kördik ki, arbiy qısımlar arbiy qarşılıq köstermey edi. Olar öz bölüklerinde qapatıldı, biri, Saq aviatsiya brigadası kibi, Mıkolayiv vilâyetine vertolöt taşlamağa yetişti, amma çoqusında birden belli edi ki, ğaliba, yarımadanı duşman zapt etecek», — dep tarif etti asker.
O vaqıt o, Qırımda yaşamaycağına qarar berdi. Bir kere anasını Rusiye tarafından işğal etilgen topraqtan alıp ketmek içün Rusiyege barmağa mecbur oldı.
«O yerge qaytmamağa qarar berdim. Tafsilâtlıca aytıp olamayım, elbette, amma işğal etilgen topraqlarğa ketmege mecbur oldım. Bu sinirli edi. Uquqiy ceetten memuriy sıñırımız, keçiş noqtalarımız bar edi, amma er bir insan kibi, men de er angi çıqışnıñ soñki ola bilecegini añlay edim, çünki iç kimse Rusiye mahsus hızmetleriniñ nasıl areket etecegini bilmey edi. Elbette, epimiz añlaymız ki, işğal etilgen, o vaqıt ilhaq etilgen topraqlar olaraq tanılğan, amma kerçekten işğal etilgen topraqlardır. Anda iç bir insan aqları qorçalanmay. Bir şey olsa, yardım etecek kimsesi olmaz edi», — dep hatırladı Oleksiy.
Soñra grafik ressamlıqnı ögrendi, amma tolu miqyaslı istilâ başlandı. O vaqıt Oleksiyniñ apayı oğlannı doğurdı. Qorantası bu qararnı muzakere etken soñ, o, USQe qoşuldı.
«Men er vaqıt insansız uçuşnen meraqlana edim. Bu sebepten kurslarğa qatnamağa imkânım bar edi, ve bu, esasen, meni İSQe kirsetken becerilerni qazanmağa yardım etti. Men bellesem, eñ yahşı plokqa kirdim , 413-inci polkımız. Çünki bunıñ artında kelecek bar. Bizim cenkimiz, tehnologiya ne qadar tez inkişaf etecegini ve zemaneviy cenkniñ ketişatına nasıl tesir etecegini kösterdi. 2022 senesini bugünki künnen qıyaslasaq, cenk deñişti. Ve buña insansız sistemalar pek tesir etti. Bütün dünya bunı körip, tecribe ala. Ve, esasen, biz şimdi bu progressni areket ettirecekmiz», — dep bildirdi «Qırım».
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız