Berim ayı 5 — Dünya tamır halqlarınıñ qadınları ve qızlarınıñ halqara künüdir. Bu kün BMT Baş Assambleyası tarafından resmiy olaraq halqara kün olaraq qayd etile.
Prezidentniñ Qırımdaki Temsilciligi bu aqqında bildire.
Ukrayina içün hususiy emiyeti bar, çünki qırımtatarlar, qaraylar ve qırımçaqlar — Qırım yarımadasında şekillengen tamır halqlar. Bugün, Rusiyeniñ Qırım işğali şaraitinde, tamır halqlarnıñ qadınları öz kimlik ve medeniy mirasını saqlap qalmağa devam eteler, siyasiy mabüslerniñ qorantalarına qol tutmaq, insan aqlarınıñ bozuluvını qayd etmek ve işğalğa qarşılıq köstermege devam eteler, — dep haberde aytıla.
- Şefiqa Gasprinska — Birinci qırımtatar halqı Qurultayına saylanğan dört qadından biri. Semit Kuşul ömürini qaray medeniyetiniñ tedqiqi ve saqlanmasına bağışladı. Viktoriya Baginska-Gurji öz eserlerinde, tercimelerinde ve tetqiqatlarında qırımtatarca ve medeniyetini saqlap qaldı.
Hatırlatamız, Ukrayinada tamır halqlar olaraq qırımtatarlar, qaraylar ve qırımçaqlar tanıldı. Bundan ğayrı, Ukrayina devleti BMT teşebbüsine qol tuta ve er yıl arman ayınıñ 9-nda halqara bayram — Tamır halqlar kününi qayd ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız