İlk küz ayınıñ 2-ne keçer gecesi işğal etilgen Qırımda patlavlar eşitildi. Şu cümleden, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında, em de Simferopol (Aqmescit) şeerinde. Rusiye Mudafaa nazirligi Qırım, diger işğal etilgen topraqlar ve Rusiye bölgeleri üzerinde 130 dronnıñ urıp tüşürilgeni aqqında bildirdi.
Nazirlik tamam Qırım üzerinde qaç dronnıñ urıp tüşürilgeni açıqlamadı.
İlk küz ayınıñ 1-nde aqşam maalinde Yevpatoriya (Kezlev) rayonındaki patlavlar aqqında malümat peyda oldı. Saat 22:54-te «Qırım yeli» nezaret resursı bu aqqında yazdı, saat 22:57-de ise «Ateş» areketi bildirdi.
«Yarım geceden başlap Simferopol (Aqmescit — terciman) ve Simferopol rayonı üzerinde bir dron uçıp aylanа edi, saat 02:19-da patlav eşitildi, dep bildireler abuneciler», — dep qayd etildi haberde.
Hatırlatamız ki, ilk küz ayınıñ 1-ne keçer gecesi Ukrayina Mudafaa Quvetleri, işğal etilgen Qırımnıñ Ğvardiyske meskün yerinde dron saqlav yerine, em de Mırne meskün yerindeki duşman alâqa qavuşağına zarar ketirdi. USQniñ Baş Ştabı bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız