Qırımnıñ Qurman rayonında eki kün devamında elektrik teminatı «eki saat elektriknen — 12 saat elektriksiz» cedveli boyunca berilecek.
İşğalli Qırım Devlet Şurasınıñ devlet quruluşı ve yerli öz-özüni idare meseleleri eyyetiniñ reisi Roman Şantayev bunı bildirdi.
«Bir qaç obyektni tikleme ve küçlendirme boyunca büyük miqyaslı qaza ve planlı işleri devam ete. İş türlerini ve muayyen yerlerini, telükesizlik sebeplerinden añlaşılğan sebeplerden tafsilâtlıca aytmaym», — dep qayd etildi haberde.
Rayon, Şantayevniñ sözlerine köre, aynı vaqıtta elektrik teminatını bermek mümkün olmağan bir yerde yerleşe. Tikleme adım-adım — esas qavuşaqlardan başlap yapıla.
Qırımnıñ Qurman rayonında qaysı strategik obyektler yerleşe?
- Qurmandaki demiryol qavuşağı (Urojayna stantsiyası) ve Qırımnıñ şimalini cenübinen birleştirgen müim demiryol;
- Qurman kanalı ve Şimaliy Qırım kanalınıñ Qurman pıtağı;
- Qurman rayonındaki Qurman kanalı üzerindeki demiryol köprü. Baş Ştab bildirgen edi ki, Rusiye ordusı onı arbiy hızmetçileri, silâsı, patlatıcısı ve madde-tehnik vastalarını taşımaq içün qullana ediler; 2026 senesi oraq ayında Mudafaa Quvetleri onıñ ücüm etilgenini bildirdi;
- 220/35/10 kV «Maryanivka» elektrik ast stantsiyası — bu energetika obyekti de 2026 senesi ücümlerge oğrağan edi.
Hatırlatamız ki, UMQUkrayina Mudafaa quvetleri işğal etilgen Qırımda «Nebo-SV» radiolokatsiya stantsiyasına (RLS), Olenivkadaki «P-18» apparatlı RLS ve mobil bağ vastaları kompleksine, Frunze rayonındaki «Nikolayevka» radioreley stantsiyasına zarar ketirdi, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ise talimat merkezine zarar ketirdi. USQniñ Baş Ştabı bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız