Arman ayınıñ 28-nde Qırımda patlavlar oldı. Sevastopolda beş qatlı bina zarar kördi

Arman ayınıñ 28-ne keçer gecesi işğal etilgen Qırımda patlavlar eşitildi. Evelki malümatlarğa köre, Qamış körfezindeki liman rayonı, Manganari burnundaki neft-terminalı ve «Kirovske» ava limanı yanındaki gaz stantsiyası ücüm etildi. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) beş qatlı bina zarar kördi, dört insan yaralandı.

Şeer «gubernatorı» Mihail Razvojayev bunı bildirdi.

«UUAuçucısız uçaq aletiniñ ücümi neticesinde, Heroyiv Podvodnıkiv soqağı, 12 nomeralı çoq qatlı bina ciddiy zarar kördi. Patlav dalğasından 34 nomeralı bala bağçasınıñ eki korpusı da zarar kördi (biz onı ilk küz ayınıñ 1-ne qadar tamirden soñ açmağa azırlay edik). Bundan ğayrı, 15ten ziyade maşna zarar kördi. UUA maden qurşunlar ve partlayıcı maddenen toldurılğan edi», — dep iddia etti o.

Razvojayevniñ sözlerine köre, beşinci qatta ateş yoq etildi, qurtarıcılar viranelerni ayırıp çıqaralar.

O qoştı ki, dört insan yaralandı: qadınnıñ baş-miy travması qayed etildi, erkekniñ ise arqası yaralandı, daa eki insan yengil travmalar aldı.

Bundan ğayrı, «gubernator» iddia ete ki, urıp tüşürilgen UUAnıñ parçaları yanındaki otelniñ toprağına tüşti, anda kiçkene bir yanğın çıqtı, onı hızmetçiler yoq ettiler. Yaralanğanlar yoq.

Razvojayev, gece devamında şeerde üç kere ava telükesini ilân etti. Qırım boyunca dron telükesi arman ayınıñ 27-ne keçer aqşamdan arman ayınıñ 28-nde saat 04:34-ke qadar devam etti, dep bildirdi işğalli FVNFevqulâde vaziyetler nazirligi Rusiye devlet qullanımı MAXta.

Bundan ğayrı, başta o, dronnıñ Manganari burnundaki neft terminalına urulğanını tasdıqladı. Amma soñra «gubernator» bunı red etti ve o rayonda quru otnıñ yanğanını ayttı.

Aynı zamanda, şaatlar «Qırım yeli» nezaret Telegram kanalına añlattılar ki, saat 03:15 civarında Sevastopolda (Aqyarda) Qamış körfezindeki liman rayonında — tam o Manganari burnundaki neft terminalına — ücüm oldı.

Bundan ğayrı, yerli sakinler bildirdiler ki, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ bir qısmı gazsız qaldı. Evelki malümatlarğa köre, Partizanı köyü rayonındaki gaz stantsiyası ateş altında qaldı. Bu, «Kirovske» ava limanı yanında, gece anda ateş ve patlav sesleri eşitilgen edi.

Bundan ğayrı, «Krımenergo» işğalli müessisesi MAXta bildirdi ki, «duşman ücümlerinden» ağ ve tehnika zararı sebebinden, yarımadada elektrik teminatında bozuvlar ola. Bütün Qırım toprağında elektrik teminatı sıñırlandıruvları şimdi de çalışa.

Evel USQniñ Baş Ştabı bildirgen edi ki, Ukrayina Mudafaa Quvetleri arman ayınıñ 26-27-sinde, işğal etilgen Qırımnıñ Olenivka meskün yerindeki UUAni idare etüv noqtasına ve Voshod meskün yerindeki Rusiye ordusınıñ toplanğan rayonına zarar ketirdi.

Bundan da ğayrı, Baş Ştabnıñ malümatına köre, arman ayınıñ 25-26 künleri USQ işğal etilgen Qırımdaki «Kasta» radiolokatsiya stantsiyasına, Rusiye arbiy hızmetçilerniñ tamir-tikleme bazasına, «Geran»/«Gerbera» türlü UUA yañıdan yayınıcısına ve madde-tehnik vastalar anbarına zarar ketirdi.

Hatırlatamız ki, arman ayınıñ 24-nde, işğal etilgen Olenivkada, Ukrayina İnsansız Sistemalar Quvetleriniñ 413-nci ayrı «Reyd» bölüginiñ operatorları «Zala» dronınıñ taqımınıñ sığınağına zarar ketirdiler. Bundan ğayrı, İSQ işğal etilgen Qırımnıñ Rozdolne meskün yerinde ST-68 radiolokatsiya stantsiyası kompleksine zarar ketirdiler. Aynı zamanda beraber, Rusiye kölge flotınıñ Qara deñizdeki tanker ve balkerine ücüm etildi.

Читати ще