Aqyarda işğalciler dörtünci kere telüke ilân etti. Eki insan elâk oldı, beş yaralandı. Uçaq avtobusına uruldı.
Aqyarnıñ işğalci «gubernatorı» Razvojayev bu aqqında bildirdi.
«Evelden qurbanlar ve yaralanğanlar bar. Avtobusnı urıp tüşürgen uçaqnıñ parçaları avtobusqa uruldı. İlk malümatlarğa köre, eki insan elâk oldı. Beş insan yaralandı: eki kişi orta ağır alda, üçü ağır alda», — dep o yazdı.
«Qırım veter» Telegram-kanalınıñ abunecileriniñ malümatına köre, Rusiye AMSniñ işi neticesinde, dronlarnıñ parçaları Kamışovoy şossesinde avtobusqa ve mektep territoriyasına tüşti. Şimdiki vaqıtta yol qapalı ve cemaat naqliyatınıñ areketi deñiştirildi, mektepni işğalci «politsiya» sarıp aldı.
«Kaça» ve «Belbek» ava limanları civarındaki atışlar aqqında «Qırım veter» Telegram-kanalınıñ abunecileri bildire.
Rusiyege qoltutqan neşirler Aqyardaki patlavlar aqqında yaza.
Haber derc etilgende, ukrayin tarafı Aqyar ücümini izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız