Qırımdan üç sabıq bergicige devlet hainliginde şübe bildirildi. Olar 15 yılğa qadar apis cezasını ala bileler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
«Taqiqatnıñ malümatına köre, şübelengenler 2013 senesinden berli Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeerindeki devlet bergi inspektsiyasında, Qırım MC Kâr nazirliginiñ Krasnoperekopsk (Yañı QapıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeerlerindeki Bİniñ birleştirilgen devlet bergi inspektsiyalarında reberlik vazifelerini eda ete ediler. Yarımadanı zapt etken soñ, olar antnı bozıp, duşman tarafına keçtiler, «Qırım Cumhuriyeti Bergi hızmetiniñ yolbaşçısınıñ muavini», «3-nci Federal bergi hızmetiniñ rayonlarara inspektsiyasınıñ yolbaşçısı» ve «Yevpatoriya birleştirilgen bergi inspektsiyasınıñ yolbaşçısınıñ birinci muavini vazifelerini eda etken», — dep qayd etildi haberde.
Prokurorlıqnıñ malümatına köre, şübelengenler qanunsız şekilde qurulğan bergi hızmetinde «karyera» qurmağa devam ettiler. Olardan biri 2026 senesi işğal etilgen Qırım «iqtisadiy inkişaf naziriniñ muavini» vazifesine tayin etildi.
Nazirlik hatırlata ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezanı çekip olamay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız