İşğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ sakini "İnternet ağını qullanaraq aşırıcılıqqa açıq çağıruvlar" sebebinden 2 yılğa mecburiy işlerge mahküm etildi. Em de aylığından 10%-i "devlet faydasına" ayırılacaq.
Oraq ayınıñ 13-ndeişğalli Qırım prokurorlığı Telegramda bunı bildirdi.
"Tahqiqat"nıñ versiyasına köre, 2025 senesi kiçik ayda mahküm etilgen adam içtimaiy ağlardan birinde "milletlerge mensüp olğan insanlarğa qarşı zorbalıq areketlerine çağıruvlar"nen yazılar yazğan edi.
Bundan da ğayrı, adamğa 1 yıl ve 6 ayğa saytlarnı idare etmege yasaq etildi.
Daa evel uquq qorçalayıcı Zarema Bariyevanıñ qayd etkenine köre, Rusiye daa sıq-sıq VİETda yaş ukrayinlerni taqip ete, olarnı uzun apis cezalarına mahküm ete. O, Zaporijjâ vilâyetinden ve işğal etilgen Qırımdan altı ukrayin pensiyacılarınıñ, esasen "devlet hainligi"nde uydurılğan qabaatlavlar sebebinden apiske alınğanlarını tarif etti. Olardan biri etap vaqtında elâk oldı.
2026 senesi baarde işğalciler Qırımnıñ beş sakinini "aşırıcılıq"qa çağıruvlarda qabaatlap yaqaladılar, dep bildirdi "Qırım esnası", Irade uquq qorçalayıcı teşebbüsiniñ qapalı maruzasına esaslanıp. Misal olaraq, Qırım sakini İvan Ulanovskıynıñ davası ketirile. Simferopolnıñ (Aqmescitniñ) "Merkeziy rayon mahkemesi" oña 2,5 saat içinde üküm çıqardı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız