İlk yaz ayınıñ 17-ne keçer gecesi işğal etilgen Qırımda patlavlar oldı. RF Mudafaa nazirligi Rusiye bölgeleri ve yarımada üzerinde 157 uçucısız uçaq aleti yoq etilgenini bildirdi. "Ateş" arbiy-partizan areketiniñ agentleri bildirdiler ki, Ermeni Bazar ve Canköy şeerlerinde patlavlar, Ğvardiyske qasabasında ise ateş eşitildi.
Areket Telegramda bu aqqında yazdı.
Bundan ğayrı, "Ateş" Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) GRES rayonında olğan patlav aqqında da yazdı.
Aynı vaqıtta Qırım köpründe avtomobil naqliyatınıñ areketi vaqtınca toqtatıldı. Bunı köpürdeki vaziyet aqqında operativ malümat Telegram kanalı bildirdi.
"Qırım yeli" Telegram kanalı yerli sakinlerge esaslanıp, Krasnoperekopsk (Yañı QapuRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Ermeni Bazar şeerlerinde elektrik teminatı bozulğanı aqqında haber etti. Olarnıñ malümatına köre, Qırımnıñ şimalinde elektrik vaqıt-vaqıt ğayıp ola ve kene peyda ola.
Bundan ğayrı, yerli sakinler Ermeni Bazar rayonında yañı patlavlar, Ğvardiyske rayonında ateşler ve patlavlar, Saq rayonında ve Simferopolda (Aqmescitte) küçlü patlavlar aqqında bildireler.
Hatırlatamız ki, ilk yaz ayınıñ 14-nde USQniñ İnsansız sistemalar quvetleri Rusiye arbiy hızmetçileriniñ işğal etilgen Qırımdaki beş deñiz radiolokatsiya stantsiyasına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız