Ukraнina telükesizlik hızmeti, Qırımdaki Rusiye işğalci memuriyetiniñ sözde "emek ve içtimaiy qoruv naziriniñ muavini" ile bağlı mahkemeden evel tahqiqatnı yekünlegenini bildirdi. O, devlet hainliginde qabaatlanıp, 15 yılğa qadar apis cezasını ala bile.
Qırım MC UHH Baş idaresiniñ Facebook saifesinde ilk yaz ayınıñ 12-nde bu aqqında yazılğan.
Uquq qoruyıcı organlarındaki bir menba anonimlik şartınen Anna Buğulova aqqında bildire.
Tahqiqatnıñ malümatına köre, o, 2019 senesi "vazifeni" aldı ve işğalci "nazirlikniñ" bücetiniñ şekillenüvi ve bölüvi içün mesüliyetli edi.
"Qayd etilgenine köre, 2023 senesi mabüs Rusiye Silâlı quvetleriniñ arbiy hızmetçileri içün "içtimaiy ödemelerge" 143 million rubleden ziyade (≈ 72 million ğrıvnâ — muar.) sarf etti. Yarımadanıñ vaqtınca işğalinden evel qabaatlı qadın Qırım MC İçtimaiy siyaset nazirliginde reberlik vazifelerinde çalıştı. Qırım Rusiye tarafından işğal etilgen soñ, o, antını bozıp, öz isteginen duşman tarafına keçti ve sözde "nazirlik"te "kollektiv" aldı, — dep haberde aytıla.
İşğalciler içün yapqan işleri içün memur "Qırım Cumhuriyetiniñ nam qazanğan iqtisatçısı" unvanını aldı.
Toplanğan deliller esasında qabaatlav arizası mahkemege yollanıldı. O, Ukrayina Ceza kodeksiniñ 111 maddesiniñ 1-inci qısmına istinaden qabaatlana. Oña 15 yılğa qadar apis cezası üküm etile bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı