İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) memuriyeti, ilk yaz ayınıñ 1-nde saba saat 8:00den başlap TES yaqarlıq stantsiyalarınıñ çoqusında bir maşnağa 20 litrge qadar sıñırlavnen yaqarlıq serbest satıluvınıñ ğayrıdan tiklenüvi aqqında bildirdi.
Mayısnıñ 31-nde şeer "gubernatorı" Mihail Razvojayev bunı bildirdi.
O, Aİ-92, Aİ-95 NP, dizel yaqarlığı, gaz ve DZ NPnıñ satılacağını qayd etti.
Amma acele satın aluv sebebinden bütün yaqarlıq sıñırlavı bir qaç saat içinde yoq etile. Bu sebepten, bir maşna içün 20 litr sıñırlavı devam ete, ve konteynerlerge satıluv yasaq etile.
Razvojayevniñ aytqanına köre, saba 160 trolleybus ve 500-den ziyade avtobus, şu cümleden şeer yanındaki avtobuslar, yedi kater ve paromlar marşrutlarğa çıqarıldı.
Yerli "ÇP Sevastopol" Telegram kanalı serbest satış başlamadan evel benzin stantsiyaları yanında büyük tıqanıqlıqlar aqqında haber etti: İnkerman rayonında nevbet köçüvge qadar uzandı, Kolobovada ise — Stoletovskıy prospekti tögerek yolundan.
"Qırım yeli" Telegram kanalınıñ malümatına köre, aynı böyle büyük araba nevbetleri bar.
Hatırlatamız ki, mayısnıñ 31-nden başlap işğal etilgen Qırımda A-95 benzinini tek kuponlar vastasınen satacaqlar. A-92 bir qolğa 20 litrden ziyade satın almaq mümkün olmaycaq.
Aynı zamanda mayısnıñ 30-nda Ukrayina prezidenti Volodımır Zelenskıy bildirdi ki, Ukrayinanıñ Azaq deñiziniñ yalısında Rusiye arbiy ve neft obyektlerine ücüm etmesi işğal etilgen Qırımda yaqarlıq buhranınıñ sebebi oldı.
Hususan, mayısnıñ 30-nda gece 412-nci Nemesis brigadası, işğal altındaki Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) deñizde yerleşken neft terminalına ücüm etti. USQniñ İSQniñ komandanı Robert ("Madâr") Brovdi bunı bildirdi.
Mayısnıñ 30-nda işğalli Qırım akimiyeti A-95 benzininiñ satılmasını künde bir insanğa 20 litrge qadar sıñırladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız