Qural aynıñ 31-nden itibaren işğal etilgen Qırımda A-95 markasınıñ benzinini tek kuponlar vastasınen satacaqlar. A-92 tek bir qolğa 20 litrden ziyade satın almağa mümkün olmaycaq.
Qırımnıñ işğalci yolbaşçısı Sergey Aksönov bu aqqında bildirdi.
"ATAN ve TES benzin stantsiyalarında AI-95 markası benzininiñ satışı tek kuponlar esasında keçirilecek. Bundan da ğayrı, qural aynıñ 31-nden itibaren AI-92 markası avtomobil benzininiñ sıñırlı yedekleri sebebinden onıñ perakende satıluvı sıñırlana — bir naqliyat vastasına 20 litrden çoq degil. "Qırımda gaz taşuvı yasaq etile", — dep haberde aytıla.
Aksönovnıñ aytqanına köre, vaziyetni ğayrıdan tiklemek içün 30 kün beklenile.
Hatırlatamız, qural aynıñ 30-nda Ukrayina prezidenti Volodımır Zelenskıy qural aynıñ 30-nda aqşam çıqışta bulunıp, Ukrayinanıñ Azaq deñiziniñ yalısında Rusiye arbiy ve neft obyektlerine ücüm etmesi işğal etilgen Qırımda yaqarlıq buhranına sebep oldı, dep bildirdi.
Hatırlatamız, qural aynıñ 30-na keçer gecesi 412-nci Nemesis brigadası UHQ-niñ pilotsız sistemaları tarafından işğal etilgen Kefede deñizde olğan neft terminalına ücüm etti. UHQ PSQ komandanı Robert ("Madâr") Brovdi haber etti.
Qural aynıñ 30-nda Qırımnıñ işğalci akimiyeti A-95 benzininiñ satılmasını künde bir insanğa 20 litrge qadar sıñırladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı