Qırımnıñ işğalci akimiyeti qural aynıñ 30-ndan başlap A-95 benzininiñ satılmasını künde bir insanğa 20 litrge qadar sıñırladı.
Qural aynıñ 29-nda aqşam öz Telegramında Qırımnıñ işğalci "başı" Aksönov bu aqqında bildirdi.
"Qural aynıñ 30-nda saat 9:00-dan başlap A-95 benzininiñ satılmasını sıñırlamağa qarar alındı — bir insanğa künde 20 litrden ziyade degil. Qırımlılardan benzin satın almamalarını ve naqliyat vastalarını adiy rejimde toldurmalarını rica etem", — dep Aksönov yazdı.
Hatırlatamız, qural aynıñ 22-nden itibaren işğal etilgen Aqyarda (Sevastopolda) bütün turlardaki yaqıtnıñ satıluvı sıñırlandı.
"Şeerge yaqıt ketirüv meselesi ile elden oğraşmağa devam etemiz. "ATAN" ağınıñ benzin stantsiyasında saba saat 11-den A-92 ve A-95 markalarınıñ satışı başlanacaq. "TES"de saba saat 7-den başlap A-95 ve A-92 benzinleri olacaq, dep bekleymiz. Er kesni añlayışlı olmağa ve yapma qarışıqlıq yaratmamağa rica etem", — dep Razvojayev yazdı.
Saba Qırımnıñ "ÇP/Sevastopol" publiki Telegramda şeerniñ "TES" yaqıt stantsiyasında nevbetlerniñ videolarını derc etti.
Qural aynıñ 28-nde işğalci "yaqarlıq ve energetika naziri" Volodımır Voronkin vaziyetni açıqlamağa qarar aldı.
Onıñ aytqanına köre, mesele benzin stantsiyalarınıñ yedeklerniñ arttırılması ile bağlıdır. RİA "Qırım haberleri" bu aqqında yaza.
"Yalıñız bir şey bar — yollama tehnikiy tedbirleri, maalesef, adamlarnı biraz raatsızlay. Teşkilâtlar benzin stantsiyalarınıñ yedeklerini toldurıp olamay. Cumhuriyette yaqıtnıñ miqdarı bar, ve onı alıp keteler. Beklemek ya da başqa bir benzin noqtasını tapıp, anda yanacaqnı toldurmaq kerek", — Voronkin dedi.
Evel arbiy ekspert İvan Stupak Suspilne Qırımnıñ tefsirinde işğal etilgen yarımadada benzin qıtlığı arbiy areketlernen bağlı olğanını aytqan edi. Hususan, Qırımdaki quru koridor üzerinde AB silâlı quvetleriniñ ateş nezareti.
"Rusiye Federatsiyasında ukrayin ücümlerine qarşılıq köstermek imkânı şimdilik yoq, ve yaqılğan tehnika sayısı işğal etilgen Qırımda yaqıt qıtlığına sebep oldı. Elbette ki, rusiyeliler vaziyetten çıqış yolunı tapacaqlar, barjalar, paromlar, trenler olacaqtır, nasıl olsa da bunı yapacaqlar, amma, menimce, bu, köstergiç bir neticedir", — dep Stupak tüşüne.
Onıñ aytqanına köre, Rusiye aydavcıları, hususan benzin vagonlarınıñ aydavcıları, "Rostov-na-Donu — Canköy" yolundan sipariş almağa red eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı