RF Mudafaa nazirligi işğal etilgen Qırım, diger işğal etilgen topraqlar ve Rusiye toprağı üzerinde 173 uçucısız uçaq aleti yoq etilgeni aqqında bildirdi.
RF Mudafaa nazirligi Telegramda bu aqqında yazdı.
Bundan ğayrı, yarımadada patlavlar aqqında "Qırım yeli" Telegram kanalı da bildirdi.
Canköy rayonında patlavlar eşitildi.
"Yahşı dronlar Canköy rayonına keldi, dep abuneciler bildireler", — dep haberde qayd etildi.
Bundan ğayrı, kanal abunecileri Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) şarqında ve Donske köyünde patlavlar aqqında haber ettiler.
"Donske köyünde üç patlav eşitildi", — dep kanal yazdı.
Hatırlatamız ki, mayısnıñ 24-ne keçer gecesi işğal etilgen Qırımda Ukrayina mudafaa quvetleri Mijğirya rayonında silâ anbarına ücüm etti.
Bundan da ğayrı, Luğansk vilâyetiniñ Bilolutsk rayonında Rusiye ordusınıñ maddiy-tehnikiy vastaları, silâ ve yaqarlıq-yağ malzemeleri anbarları da ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız