Qural ay 3 künü tahminen saat 5:48 Qara deñizde 7,5 kilometr terenlikte 1,5 ball büyükliginde zelzele oldı. Soñki künde Türkiyeniñ civarında onlarca zelzele oldı. Halqara seysmologlar keçken gece işğal etilgen Qırım civarında daa bir zelzele qayd ettiler.
Avropa Aq deñiz seysmologik merkeziniñ saytında bu aqqında aytıla.
Qural ay 3-te saba saat 5:48 yaqın Türkiyeniñ yalı kenarında 7,5 kilometr terenlikte yer teprenüvi oldı.
Qural ay 1-de saat 23:26 Qırım civarında işğal etilgen Keriçten 151 kilometr uzaqlığında 2,9 magnitudalı zelzele qayd etildi. RİA Novosti Qırım ve diger Rusiye matbuat vastaları, bu yer teprenüvi bu gece yüz bergenini bildire. Amma saytta başqa malümat bar.
Avropa Aq deñiz seysmologik merkeziniñ saytında qayd etilgenine köre, 2026 senesi qural aynıñ 3-ne qadar Türkiyede çeşit dereceli 40 yerastı sarsıntı qayd etildi.
Suspilne Qırım muarririyeti evelden Qara deñiz regionında yañı küçlü zelzele telükesi ne qadar ciddiy olğanını ve yarımada içün ne aqibetleri ola bilecegini ögrengen edi.
Ukrayina Arbiy-deñiz quvetleriniñ yedek 1-inci derece kapitanı Andriy Rıjenko qayd etti ki, küçlü zelzeleniñ merkezi deñizde olsa, Qırım köprü de telüke altında qala bile.
"Qırım köprü qurulğanda, ve tarih bayağı uzun edi, bu esnasnı toqtatqan esas faktor — yer teprenüvi ihtimali edi. Ve, misal içün, almanlar Ekinci Cian cenki vaqtında temeli qoyulğanda, olar tam bu sebepten vazgeçtiler", — dep o qayd etti.
Qırımdan ğayrı, Karpatlar Ukrayinanıñ seysmik faal regionı olıp qala. Geofizik İnstitutında qayd eteler ki, mevcut doquz seysmologik stantsiyağa Mıkolayiv ve Odessa vilâyetlerinde yañı stantsiyalarnı qoşmağa planlaştırıla. Bu, Qırım yarımadasına tesir ete bilecek yerastı sarsıntılarını daa doğru taqip etmege imkân berecek.
Tarihiy olaraq, Qırımdaki zelzeleler tahminen er 80-100 yılda bir ola. Soñki büyük zelzele 1927 senesi oldı. Yerastı sarsıntılar neticesinde Yaltadaki evlerniñ tahminen 70%-ı yoq etildi, Qartana yuvasınıñ qullelerinden biri de yıqıldı. 2027 senesi bu vaqia yüz yıllığını qayd etecek. Seysmologlarnıñ qayd etkenine köre, nevbetteki zelzele vaqtını tahmin etmek imkânsız, lâkin alimler telükeli yerlerni belgileyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız