Ukrayinanıñ vaqtınca işğal etilgen topraqlarında agrarlar stabil satış bazarları olmağanı sebebinden iflas ete ediler. Vaziyet kerginleşti: ekimler iqtisadiy ceetten maqsatqa uymağanı içün, bir çoq tonna sebze atmağa mecbur oldılar.
Milliy muqavemet merkezi bu aqqında bildire.
"Esas sebep — nezaret-keçirüv noqtalarında işğal etilgen Qırımğa ketken yük maşinaları üç kün devamında tura, bunıñ içün mal yolda bozula ve satıluvğa kelişmey. Malnı saqlamaq ve işlemek içün kerekli infrastruktura olmağanı ile beraberlikte taşımalarnıñ yüksek fiyatları ticaretni zararlı yapa. İşğalci akimiyet, sanayı içün şarait yaratmayıp, istisalcılarnıñ ihtiyaclarını bütünley körmemezlikke ura", — dep mütehassıslar añlatalar.
Aynı zamanda işğal etilgen topraqlardaki yerli eali de aşayt mallarından faydalanmay.
"Ortadaşlarnıñ emirleri ve qıyın logistikası sayesinde tükânlarda fiyatlar yüksek qala, alıcı küçü ise alçaq, bu ise gumanitar paradoksqa ketire. Yerli hocalıqlar içün qoşma bir darbe, Rusiye Federatsiyasınıñ qomşu regionlarından kontrol etilmegen ucuz mahsulatnıñ ketirilüvi oldı, bu da teñ olmağan reqabet yaratmaqta. Eksport içün qanuniy yollarnıñ yoqluğı ve toplanğan zararlar ekinci ekim kampaniyasını telükege oğrata. Köy sakinleri arasında içtimaiy kerginlik arta, bütün regionnıñ aşayt havfsızlığı ise kritik vaziyette buluna, bu ise, agrar sektornıñ bütünley yoq etilmesine yol aça", — MMMde deyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız