1906 senesi mayısnıñ 1-nde Qırımnıñ Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde qırımtatar tilinde "Vetan hadimi" adlı ilk siyasiy gazeta basıldı.
"Qırımtatar resurs merkezi" bunı bildirdi.
"Onıñ birinci sanınıñ neşir etilgeninden 120 yıl keçti — bu kün qırımtatar halqı ve bütün Qırım içün alâ daa emiyetlidir", — dep QRM yazdı.
Kelecek eki yıl içinde 200 sanı çıqtı. Gazeta şiirler, siyasiy taliller, hronikler, haberler, atta ilânlar bastırğan edi.
Bir qaç neşriyatçı, şu cümleden Seyid Ali Çelebi Murat Efendi, Emir Appaz Emir Üsein ve digerleri, gazetanı bastırdı, amma bütün müddet devamında muarriri Reşid Mediyev edi.
"1908 senesi, inqilâptan soñ serbestlikler bastırılğanı sebebinden, "Vetan hadimi" qapatıldı. Neşirni yoq ettiler, kitaphanelerden ve şahsiy kollektsiyalardan bütün nushalar tutıp alındı. Böyleliknen, akimiyet tek metinlerni degil de, qırımtatarlarnıñ siyasiy uyanuvınıñ ğayelerini ve qarşılıq ruhunı yoq etmege tırıştı", — dep QRM bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız