İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) "mahkemecisi" devlet hainliginde qabaatlı tanıldı. O, Qırım Rusiye tarafından işğal etilgen soñ antını bozıp, işğalli akimiyetniñ menfaatlarında çalışmağa başladı. O, 13 yıl apis cezasını aldı, mal-mülkü de müsadere etildi.
Qırım MC ve Sevastopol (Aqyar) şeeri prokurorlığı bunı bildirdi.
Uquq qorçalayıcı organlarındaki bir menba, anonimlik şartınen, söz Viktor Klimakov aqqında ketkenini bildirdi.
"Muhtariyet prokurorlığınıñ mahsus mahkeme esnasında qabaatlavı sebebinden (in absentia) Sevastopoldan (Aqyardan — terciman)nsabıq mahkemeci devlet hainliginde qabaatlı tanıldı (Ukrayina Ceza qanunnamesiniñ 111-inci maddesiniñ 1-inci qısmı). Qırım yarımadası işğal etilgen soñ Ukrayina vatandaşı antını bozıp, duşman tarafına keçkeni isbatlandı. "Yañı akimiyet" vaqtında adam Sevastopolnıñ (Aqyarnıñ — terciman) işğalli "Lenin rayon mahkemesi"nde "mahkemeci" olaraq çalışqan edi ve bugünge qadar bu vazifede buluna, istilâcı devletniñ menfaatlarında "adalet"ni yerine ketire", — dep prokurorlıqnıñ haberinde qayd etildi.
Mahkeme onı 13 yılğa azatlıqtan marum qaldırdı. Bundan da ğayrı, o, mahkeme organlarında vazifeler tutmaq aqqından marum etildi.
Viktor Klimakovnıñ açıq irişimde olğan fotoresimlerini tapıp olamadıq. "Repressiyalar vastasınen karyera" maqalesinde uquq qorçalayıcı İrına Sedova, ukrayinlerge qarşı repressiyalarğa alâqası olğan işğalci uquq qorçalayıcı ve "cezalandıruv" organlarınıñ vekilleri şahsiy malümatlarını gizlemege tırışqanını añlattı. Bir çoqları siyasiy esnaslarda iştirak etkenini mümkün olğanı qadar gizlemege tırışalar: fotoresimlerni derc etmeyler, özleri aqqında malümatnı silerler. Bazıda olarnıñ resimlerini matbuatta teşviqat tedbirleri vaqtında tapmaq mümkün.
Bundan ğayrı, keçenlerde Klimakovğa qarşı mahkemege daa bir qabaatlav aktı yollanıldı — Ukrayina vatandaşınıñ Qırımdanqanunsız sürgünligi aqqında — onı cenk qanunları ve adetlerini bozğanında qabaatlaylar (Ukraina Ceza qanunnamesiniñ 438-inci maddesiniñ 1-inci qısmı).
Bundan ğayrı, 2026 senesi boş ayda Viktor Klimakov 38 yaşındaki Katerına Fomenkonı Rusiye ordusı aqqında yalan malümat tarqatqanı içün beş buçuq yılğa apishanege "cezalandırdı". Bundan da ğayrı, o, 45 biñ rublelik (tahminen 23 biñ ğrıvnâ — muar.) para cezasını berdi.
Hatırlatamız ki, keçenlerde prokurorlıq işğalli Sudaq rayon mahkemesiniñ "mahkemecisi" Yevhen Rikovğa qarşı qabaatlav aktını mahkemege yolladı. Tahqiqatnıñ malümatına köre, o, işğal etilgen Qırımdan Ukrayina vatandaşını sürgün etmek qararını aldı. Halqara uquq qaidelerine köre, ukrayinlerge yarımadada yaşamaq içün işğalci memuriyetten izin kerekmey. Oña 12 yıl apis cezası üküm etile bile.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız