Rusiye Mudafaa nazirliginen añlaşma imzalağan ve Ukrayinağa qarşı cenkleşken Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) mimarcılıq şirketiniñ müdiri 15 yılğa azatlıqtan marum etildi. O, Donetskte esir alındı.
Ukrayina havfsızlıq hızmeti (UHH) bu aqqında haber etti.
2025 senesi ukrayin qorçalayıcıları onı esir aldılar.
"Simferopoldaki (Aqmescitteki — terciman) mimarcılıq şirketiniñ 50 yaşındaki müdiri Rusiye Mudafaa nazirliginen añlaşma imzalap, istilâcı memleketniñ 10-ncı tank polkına qoşuldı. Ruslarnıñ silâlı bölüginde hain Donetsk vilâyetiniñ Oleksandro-Kalınove köyüni zapt etmege yollanıldı, anda Ukrayina mudafaa quvetleri tarafından esir alındı", — dep haberde qayd etildi.
Mahkemede onı Ukrayina Ceza qanunnamesiniñ eki maddesine istinaden qabaatlı tanıdılar — 111 maddesiniñ 2-nci qısmı (cenkiy vaziyet şaraitinde yapılğan devlet hainligi) ve 111-1 maddesiniñ 7-nci qısmı (duşamnnen işdeşlik faaliyeti).
Hatırlatamız ki, daa evel Rusiye tarafında cenkleşken beş Ukrayina vatandaşı devlet hainligi ve duşmannen işbirlik yapqanı sebebinden 15 yılğa üküm etildi. Mahküm etilgen eki kişi işğal etilgen Qırımdan keldi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız