Kiçik aynıñ 24-nden 25-ne keçer gecesi işğal etilgen Qırım ve Qara deñiz üzerinde patlavlar oldı. Kiçik aynıñ 23 künü Kıyiv vaqtına köre saat 22:00-dan kiçik aynıñ 24 künü saat 6:00-ğa qadar RF ava mudafaası quvetleri 21 uçucısız uçaq aletini urdı.
RF Mudafaa nazirligi bunı bildirdi.
Rusiye mudafaa nazirligi, 18 UUA Qırım ve 3 UUA Qara deñiz üzerinde tüşürilgenini bildirdi.
Aynı zamanda "Qırım yeli" Telegram kanalı şaatlarnıñ malümatına esaslanıp, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Ğvardiyske şeerlerinde patlavlar aqqında haber etti. "Qaçı" ve "Belbek" ava limanları ve Tavriya SES yanında da gürülti oldı.
Yerli Telegram kanallarında yazılğanı kibi, Simferopol (Aqmescit) civarında "gürültiden camlar aman-aman qırıldı". Bundan da ğayrı, UUAleriniñ Ğvardiyskeden şeerge doğru areket etkenini bildirdiler. Faaliyetniñ ihtimal etilgen rayonları arasında Simferopol (Aqmescit) GRES, Tavriya SES, Simferopol (Aqmescit) ava limanı ve onıñ civarları sayıla.
Hatırlatamız ki, kiçik aynıñ 24-ne keçer gecesi, USQniñ insansız sistemalar quvetleri vaqtınca işğal etilgen Qırımdaki Rusiye arbiy obyektlerine ücüm etti. "Pantsir-S1" zenit raketa-top kompleksi ve "Malahit" radiolokatsiya stantsiyasını urdılar.
Telegram, WhatsApp, Facebook, TikTok ve YouTubede Suspile Qırım haberlerine abune oluñız