Qırımnıñ işğali ve Ukrayinağa qarşı Rusiye istilâsınıñ başlanğıçınıñ 12-nci yıllığına bağışlanğan er aylıq "Strategiya-18" aktsiyası (kiçik aynıñ 20-si) kiçik aynıñ 16-nda Vilnüste olıp keçti.
İştirakçilerden biri, Vladas Sipiçınas, bunı bildirdi.
İştirakçiler "Rusiye barışıq degil de, Ukrayinanıñ bir qısmını istey", "Rusiye istilâsını toqtatayıq", "Tarihnıñ doğru tarafını sayla" şiarlarınen çıqtılar.
"Aktsiya iştirakçileri Litvaniyanı Litvaniya devletiniñ ğayrıdan tiklenüvi kününen hayırladılar, Litvaniya devletine Rusiye işğalcilerine qarşı Ukrayinanıñ küreşine qol tutqanı içün minnetdarlıq bildirdiler, Qırım ve işğal etilgen ukrayin topraqlarınıñ azat etilmesine qadar Rusiye tecavuzcılarına qarşı küreş devam etmek kerekligine işançlarını daa bir kere tasdıqladılar, kelecekte dünya nizamı ve havfsızlığınıñ kefaleti olaraq şimdiki Rusiye Federatsiyasınıñ dekolonizatsiyası içün çıqışta bulundılar", — dep Vladas Sipiçınas yazdı.
"Strategiya-18" — esasen Vilnüste (Litvaniya) keçken er aylıq Ukrayina ve qırımtatar halqınen birdemlik aktsiyasıdır. Faalciler, hususan, işğal etilgen topraqlarda insan aqlarınıñ bozuluvı ve Qırım siyasiy mabüslerine qoltutuv, Qırım işğaline diqqat çeke.
Hatırlatamız ki, 2014 senesi kiçik aynıñ 20-nde, Qırımnıñ 13 yıllıq işğalinden soñ, Rusiye orduları yarımadağa kirdi, Keriç boğazı yanındaki sıñırdan keçip, Qırımdaki küçlerni ukrayin bölüklerini blok etmek içün qullandı.
Bu, Rusiyeniñ tolu miqyaslı bir cenkke çevirgen silâlı istilâsınıñ başlanğıçı oldı, dep Ukrayina Tış işleri nazirligi qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız