Qırımdaki işğalci memuriyet bütün resurslarnı cenkke sarf etip, tibbiyetke berilgen paralarnı kesip ala. İşğalciler, paralarnı cebege yöneltmek içün aylıqlarnı "qattı kesip" turğan "yüksek maaş komissiyalarını" teşkil ettiler.
Kiçik aynıñ 14-nde "Ateş" arbiy-partizan areketiniñ agentleri bu aqqında haber etti.
"Yıllar devamında insanlarğa iş yerlerini birleştirmege izin berilgeni sebebinden, kadrlar boşluqları peyda oldı. Şimdi ise iqtisadiyat içün bu ameliyat yasaq etildi. İşlemek endi kimseniñ aqqı degil, qalğanlarğa ise ağır yük yüklene", — dep partizanlar qayd ettiler.
Mında qayd ettiler ki, kadrlar buhranına baqmadan, Qırım hastahaneleriniñ baş ekimleri para qazanmaq yollarını tapalar: memuriy ştabnı arttırıp, soy-soplarını uydurılğan vazifelerge yerleştireler.
"Otaqlarda kimsege damartı qoyulmasa da, kabinetlerde adiy ekimlerniñ esabına bahşış alğan aile mütehassısları otura", — dep rus tilinde qayd ettiler.
Hatırlatamız, yerli sakinler ekimge aylarnen nevbetler qoyulğanından, mütehassıslarnıñ azlığından, ekimlerniñ maaşlarınıñ toqtatılğanından ve Rusiye arbiyleri hasta yerlerini alğanından şikâyet ete. Yarımadada sağlıq saqlav sistemasınıñ nasıl çalışqanı, ne içün ekimler işten ketmege mecbur ola ve nasıl hastalar bürokratiya ve qabarcılıqnıñ esirleri ola — Suspilne Qırım maqalesinde oquñız.
Telegram, WhatsApp, Facebook, TikTok ve YouTubede Suspilne Qırım habelerine abune oluñız