Donetsk vilâyetinde kiçik aynıñ 26-na qadar er istegen insanğa Qırımdan ukrayin siyasiy mabüslerine qoltutuv mektüpleri yazmağa teklif etile. İşğal altında bulunıp, er kün basqı, qorquzuv ve aqlarınıñ sıñırlanması ile qarşılaşqan insanlarğa da.
Donetsk vilâyet arbiy memuriyetiniñ saytında bu aqqında aytıla.
"Donetsk vilâyetiniñ bala ve gençler yaratıcılıq sarayınıñ teşebbüsi ile Donetskta "Serbest Qırımğa mektüpler" aktsiyası başlandı, o, kiçik aynıñ 26-na qadar devam etecek. Onıñ maqsadı — azatlıqtan marum etüv yerlerinde qanunsız tutulğan ukrayinalı siyasiy mabüslerge qoltutuvnı bildirmektir. Qoltutuv sözlerini yazıñız, serbest Ukrayinadan haberler ya da işğalden azat etilgen Qırımnıñ kelecegi aqqında öz fikirleriñizni kâğıtqa yazıñız. İstegen olsañız, Qırımda işğalden evel bulunğan vaqıttan temaviy resim ya da fotoresimlerni qoşıñız. İşleriñizni Facebookta "Donetsk mektepten tış saifesinde" #uquqqorçalayıcıcinayetleri2026 ve #Donetskmekteptentışsaifelerinde yerleştirin. Donetsk Qırımnı ve işğalge qarşılıq köstergen er kesni hatırlay. Qırım — Ukrayinadır", — dep yazıda aytıla.
Ukrayinada kiçik aynıiñ 26-nda Qırım Muhtar Cumhuriyeti ve Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ işğaline qarşılıq künü qayd etile. Prezidentniñ №58/2020 fermanı ile tayin etilgen bu hatıra künü 2014 senesi kiçik ay 26-da Aqmescitte (Simferopol) Rusiye istilâsına qarşı mitingge çıqqan ukrayin ve qırımtatarlarnıñ cesürligini añdıra.
"Serbest Qırımğa mektüpler" teşebbüsini 2023 senesi kiçik ayında Ukrayina prezidentiniñ Qırım Muhtar Cumhuriyetindeki temsilciligi, Ukrayin PEN ve ZMINA insan aqları merkezi başlattı. Onıñ maqsadı — Rusiye tarafından Qırımda ya da öz toprağına çıqarılğan qanunsız sürgün etilgen Ukrayina vatandaşlarına qoltutmaq.
Hatırlatamız, 2025 senesi ukrayinler ve çetelden kelgen insanlar "Serbest Qırımğa mektüpler" teşebbüsi çerçivesinde Qırımnıñ siyasiy mabüslerine aman-aman 2 biñ mektüp yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız