Rusiyeniñ işğal etilgen Qırımnen demiryol bsğı bozulğan edi — Tambov vilâyetinde yaqarlıqnen trenler çıtalardan çıqtı. Kiçik aynıñ 5-nde Kıyiv vaqtına köre saba saat 9-da Qırım yönelişine 8 tren 4,5 saatten 7 saatke qadar keçiktirile.
"Grand Service Express" taşıyıcı şirketiniñ Telegram kanalında bu aqqında haber etildi.
"Tambov vilâyetinde yüz bergen adise sebebinden "Tavriya" trenleri kel kelir. Qırımğa — kiçik aynıñ 4-nci künü yolğa çıqqan 068-nci Moskva — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) 7,5 saatke keçike; kiçik aynıñ 4-nci künü yolğa çıqqan 195-nci Moskva — Simferopol (Aqmescit — terciman) 7 saatke keçike; kiçik aynıñ 4-nci künü yolğa çıqqan 007-nci Sankt-Peterburg — Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) 5 saatke keçike; kiçik aynıñ 4-nci künü yolğa çıqqan 092-nci Moskva — Sevastopol (Aqyar — terciman) 5 saatke keçike. Qırımdan — kiçik aynıñ 3-nde yolğa çıqqan 008-nci Sevastopol (Aqyar — terciman) — Sankt-Peterburg 5 saatke keçike, kiçik aynıñ 3-nde yolğa çıqqan 068-nci Simferopol (Aqmescit — terciman) — Moskva 6 saatke keçike, kiçik aynıñ 3-nde yolğa çıqqan 196-ncı Simferopol (Aqmescit — terciman) — Moskva 4,5 saatke keçike, kiçik aynıñ 3-nde yolğa çıqqan 092-nci Simferopol (Aqmescit — terciman) — Moskva 7 saatke keçike", — dep haberde qayd etildi.
Kiçik aynıñ 4-nde Tambov vilâyetiniñ Miçurinsk şeerinde "Koçetovka-2" stantsiyasında yaqarlıqnen yük treniniñ vagonları çıtalardan çıqtı. Yanğın yüz berdi, eñ az 11 benzin ve 5 gaz tsisternası yandı, dep RİA ''Novosti Krım'' haber etti. Rusiye kütleviy haber vastaları ve memurları fevqulâde adise sebebini bildirmey.
Hatırlatamız ki, hususan Qırım köpründe yasaqlar ve sıñırlavlar kirsetilgeni sebebinden Rusiyeniñ işğal etilgen Qırımnen demiryol bağı eñ populâr olıp qala. 2025 senesiniñ yaz mevsiminde "Grand Service Express" şirketiniñ trenleri 3 milliondan ziyade insannı taşıdı, dep rus şirketi bildirdi.
2025 senesi boş aydan başlap elektromobil ve gibrid maşinalarına Keriç ve Taman taraflarından Keriç köprüne kiriş yasaq etildi. Yañı qaidelerni Rusiye akimiyeti "terrorizmge qarşı eyyetniñ tevsiyeleri"ne köre kirsetti. Evelden qanunsız keçitniñ keçüvi yük naqliyatı içün sıñırlanğan edi.
İşğalli Qırım yolbaşçısı Sergey Aksönov 2026 senesi Qırım köprü ögünde qoşma keçit noqtalarını qurmaq planları aqqında bildirdi.
Rusiye, Rostov-na-Donunen Qırımnı Zaporijjâ ve Herson vilâyetleriniñ işğal etilgen topraqları üzerinden bağlamaq içün yañı demiryol hattını da faal sürette qurmaqta.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız