İşğal etilgen Qırımda cemaat naqliyatınıñ tıqtatılmaz işinen bağlı vaziyet qıyın olıp qala ve ileride daa beter ola bilir.
Yerli faalci ve ve memleketşınas Qırım.Aqiqatqa bergen izaatında anınim şekilde bunı bildirdi.
Onıñ sözlerine köre, naqliyat saasında meselelerniñ esas sebeplerinden biri Ukrayinağa qarşı cenkte ayrı zenaat mütehassıslarınıñ, hususan ihtisaslı aydavcılarnıñ noqtalarda askerlikke alınması ola.
"Şimdi Qırımda Putinniñ ilân etkeni qısmiy cenkke askerlikke alınmasına kütleviy şekilde yollanmaylar. Amma ayrı qayd etilgen zenaatqa saip olğanlarnıñ, hususan, cebede çoq olmağan ihtisasiy aydavcılarnıñ noqtalıq askerlikke alınması ola. Amma bunıñ neticesinde Qırımda zaten büyük olğan ihtisaslı aydavcılarnıñ qıtlığı arta, bu ise cemaat naqliyatınıñ işinde endi körüne", — dep faalci tarif etti.
Onıñ fikirince, kiçik aynıñ 1-den itibaren yarımadada naqliyat kartlarınıñ kirsetilmesi hadimlerniñ işten boşatılmasınıñ qoşma sebebi olacaq.
Faalciniñ añlatqanına köre, aydavcılar meselesi daa evel, naqıtsız yol ödemesi tarqatılğan soñ kerginleşti.
"Qırımda cemaat naqliyatınıñ aydavcılarınen teminat meselesi, yol fiyatını bank kartlarınen ödemek imkânı kirsetilgen soñ, kerginleşti. Çoqusı işten çıqtı, çünki para aylığınıñ bir qısmı aydavcılarnıñ cebinde qalması sır degil, amma bunı er kes kördi, olarnı iş yerlerinde tutmaq içün", — dep o ayttı.
Onıñ aytqanına köre, naqliyat kartlarına tam bir keçüv, aydavcılarnı resmiy olmağan kelirlerinden tamamen marum qaldıra bile ve olarnı sanayıdan çıqmağa mecbur ete bile.
"Şimdi, naqliyat kartası kirsetilgen soñ, yılnıñ soñuna qadar naqitnen ödeme imkânı olamaz. Çoqusı cemaat naqliyatında tek aylıq içün çalışmağa istemeyler, çünki qurucılıq şirketlerinde, maşina taşımalarında ve ilâhre böyle aylıqlar eki-üç qat yüksek olğan yerlerde böyle aylıqlarğa talap yüksek", — dep faalci qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız