Qırım ve Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) keskin nefes virus yuqunçınıñ artması qayd etile. Şimdilik epidemiya sıñırları aşılmasa da, kelecek aftalarda vaziyetniñ daa beter olması beklenile.
Qırım ve Aqyar (Sevastopol) boyunca Rospotrebnadzornıñ bölge idaresi haber etti, dep RİA Novosti Qırım haber ete.
Teşkilâtnıñ malümatına köre, şimdiki vaqıtta epidemiya sıñırları pek yüksek degil. Hastalıqnıñ artması tabiiy dep sayıla, çünki mektep talebeleri qış tatilinden soñ mektepke keteler ve Yañı yıl bayramlarından soñ ealiniñ içtimaiy faaliyeti arta.
"Rospotrebnadzor"nıñ qayd etkenine köre, al-azırda hastalıqnıñ sebebi, gripp olmağan etiologiyalı viruslarnıñ tarqaluvı ve A (H3N2) tipindeki gripp virusınıñ faal tarqaluvı ola. Buña baqmadan, nazirlik kelecek aftalarda hasta sayısınıñ artacağını tahmin ete.
Mütehassıslarnıñ qayd etkenine köre, gripp, hronik hastalıqlarnıñ ketişatını kerginleştirmek içün, hususan 60 yaşından büyük insanlar içün telükelidir. Bundan da ğayrı, gripp beş yaşına qadar balalar içün büyük telüke teşkil ete, çünki olarnıñ immunitet sisteması daa şekillene.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız