İşğal etilgen Ermeni Bazar şeeriniñ mekteplerinde 5-11-inci sınıf talebelerine "SVOMahsus arbiy operatsiya — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqiy efemizmidir."ğa, para toplavğa munasebeti ve qol tutuvı boyunca "test" keçmege mecburlar. Bundan da ğayrı, balalardan evde olğan subetleri aqqında soraylar. İşğalciler içün ayrı anketalar, qorantalarnı daa da tafsilâtlı teşkermrk ve profilaktik tedbirlerni keçirmek içün sebep ola.
Telegeramda "Sarı şerit" işğalge qarşılıq areketi bunı bildirdi.
"Qırımda tasil ideologik kontrol aleti olaraq qullanıla. Ermeni Bazar mekteplerinde 5-11 sınıf talebelerine muntazam olaraq "vatanperver terbiyesi" boyunca testler berile — olarnıñ "SVO"ğa olğan munasebetleri ve destekleri, para toplamaları ve evde qonuşmaları. "İstenilmegen" cevaplar teşkerüvlerge, profilaktik subetlerge çağıruvlarğa ve ögrenüv ve vesiqa meselelerine yol aça bile", — dep haberde qayd etildi.
Hatırlatamız ki, daa evel "Sarı şerit" areketiniñ faalcileri, "Rusiye terrorizmge qarşılıq merkezi" tarafından işğal etilgen "Qırım federal universiteti"niñ studentlerine yaptırılğan sorğularnıñ ekran resimlerini derc ettiler. Tahqiqat hızmetiniñ vekilleri gençlerge dostlarınıñ meraqları aqqında soraylar.
Areketniñ temsilcileriniñ fikirince, işğalli quvetçiler böyle etip, Rusiye işğaline qarşı çıqqan studentlerni tapmağa tırışalar.
"Er kes telükeli ve havflı sayıla, işğalciler "işandırılmaz" kategoriyalar arasında "animeciler, stalkerler, altuşka, k-pop fanatları", em de graffiti ve arbiy medeniyetnen meraqlanğanlar"nı sayalar", — dep areketniñ vekilleri añlattılar.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız