14 yaşını toldurmağanlar içün yañı çıqış talapları kirsetile: ukrayinler içün ne deñişecek

Qara qış ayınıñ 20-nden itibaren Rusiyede 14 yaşını toldurmağan balalarnıñ sıñırdan keçmeleri içün yañı talaplar işke tüşürilecek. Bu künden soñ Rusiye tış pasportınıñ olması mecburiy olacaq. Yañı qaidelerni ruslar vaqtınca işğal etilgen topraqlarğa, hususan Qırımğa da tarqattılar.

RF FSBRusiye Federatsiyası Federal Havfsızlıq Hızmetisiniñ sıñır hızmetiniñ saytında bu aqqında aytıla.

Qırım uquq qorçalayıcı gruppasınıñ tedqiqatçısı İrına Sedova Suspilne Qırımğa bu deñişmeler işğal altındaki ukrayin balalarına nasıl tesir etecegini añlattı.

"Rusiye yañı sıñırdan keçüv qaidelerini vaqtınca işğal etilgen topraqlarnıñ, şu cümleden Qırımnıñ, sakinlerine işğal etilgen topraqlardan tış balalarnı alıp ketmege imkân bermemek maqsadınen kirsete. Yani, Rusiyeden ğayrı iç bir yerge ketmek mümkün degil. Rusiye böyle etip, insanlarnı balalarına vesiqalarnı, şu cümleden işğalli akimiyet tarafından berilgen pasportlarnı almağa mecbur ete. İşğal etilgen topraqlarnıñ sakinlerine nisbeten ayırım yapıla, çünki olar içün işğalden çıqmaq qıyın edi", — dep mütehassıs añlattı.

Onıñ aytqanına köre, yanvarniñ 20-nden itibaren işğal etilgen topraqlarda balalı qorantalar içün çıqış vaziyeti daa da qıyın olacaq.

"Şimdi bu mesele daa da kerginleşecek, çünki bu çetel pasportını elde etmek içün, eger insan anda, meselâ öz balası içün, (rus — QA) vesiqalarını almağa istemese edi, o zaman şimdi bunı yapmağa mecbur olacaq. Çünki başqa türlü ketmek imkânsız olur. Yani, böyle etip, olar balalarnı alıp ketmemek içün qoşma bir mania yaratmağa tırışalar. Rusiye işğal etilgen topraqlarda da balalarnı alıp ketkenini bilesiñiz. Böyleliknen, olar, bu genotsid siyaseti çerçivesinde, balalarnı terbiyelemek içün, ana-babalarğa daa qıyın bir şey yapmağa tırışalar", — dep Sedova añlattı.

Ruslar bildirdiler ki, 14 yaşına qadar balalar Belorusiye, Qazahistan, Qırğızistan ve tanılmağan Abhaziya ve Cenübiy Osetiyağa doğuv şeadetnamesinen barıp olamazlar. Olarnıñ aytqanlarına köre, yañı usul Rusiye turistleriniñ telükesizligini arttırmaq içün qullanıla, çünki çetel pasportında fotoresim ve latin urufatında yazılğan malümat bar, oña sıñırdan keçüv aqqında tamğası da qoyula, dep TASS yazdı.

Читати ще