İşğal etilgen Yevpatoriyada (Kezlevde) "Yunost" lagerinde işğalciler balalar içün teşviqat körüşüvini Ukrayinağa qarşı cenkleşken 810-ıncı ayrı deñiz piyade brigadasınıñ rusiyeli deñizcisi Konstantin Şçukin ile keçirdiler. Hususan, Ukrayina Arbiy Silâlı quvetleriniñ malümatına köre, bu brigadanıñ arbiyleri Şimaliy-Slobodânskтермін, запроваджений Генеральним штабом ЗСУ для позначення бойових дій на прикордонні Сумської області yönelişinde cenkleşelet ve ukrayin esirleriniñ öldürüvinde iştirak eteler.
Qırımdaki Rusiye arbiyleri ile balalarnıñ körüşüvi aqqında işğalli "Krımpatriottsentr"niñ Telegramında haber etile.
Ukrayina Silâlı quvetleriniñ mahsus operatsiyaları quvetleriniñ malümatına köre, işğal etilgen Sevastopolda (Aqyarda) yerleşken 810-ıncı deñiz piyade brigadası Şimaliy-Slobodânsk yönelişinde cenk areketlerinde faal iştirak ete.
"Bu brigadanıñ hadimleri cenk cinayetlerinde, hususan ukrayin esirleriniñ idam etilmesinde iştirak eteler", — dep Ukrayina silâlı quvetleriniñ MOQ bildirdi.
"Lagerde stajyerlerniñ 810-ncı ayrı deñiz piyade brigadasınıñ arbiy hızmetçisi, Yevpatoriya rayonınıñ cemaat şurasınıñ reisi Konstantin Anatolyeviç Şçukin ile körüşüvi olıp keçti. O, balalarğa arbiy hızmet, arbiy qardaşlıq, arbiy yol ve kerçek ayatta "namus" ve "vazife" sözleriniñ manası aqqında tarif etti. Körüşüv yigitler içün ofitserlik sabır ve Vatanğa sevginiñ müim bir örnegi oldı, em de lagerniñ tınç künleriniñ artında er kün memleketini qorçalağan insanlar turğanını hatırlattı", — dep "Krımpatriottsentr" işğalli tasil müessisesiniñ haberinde bildirildi.
İşğalcilerniñ bildirgenine köre, Yevpatoriyadaki "Yunost" bala lagerinde ekinci "kadet deñişimi" devam ete. Mında balalar arbiy fen ve terbiye yarışlarını keçireler.
"Balalar endi terbiye ve vatanperverlik ananelerine esaslanıp qurulğan programmağa daldılar", — dep "Krımpatriottsentrniñ" haberinde bildirildi.
Qırımtatar resurs merkeziniñ malümatına köre, işğal etilgen Qırımda balalar kadet derecesini qazanıp, resmiy şekilde Rusiyeniñ arbiyleştirilgen qurulışlarına qoşula.
"Balalar Rusiyeniñ arbiyleştirilgen qurulışlarına resmen qoşulıp, balalıqtan "devletke sadıqlıq"nı ögretmek içün yapılğan propaganda sistemasınıñ bir qısmı olalar. Bu, vaqtınca işğal etilgen yarımadada ösmürlerniñ sistematik arbiyleştirilüviniñ daa bir misalidir", — dep QRMniñ saytında qayd etildi.
Hatırlatamız, Simferopolnıñ (AqmescitniñRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) №3 mektebinde 38 beşinci sınıf talebesi "Qırım taqiqat komitetiniñ" işğalci quvetçileriniñ yanında "kadet antı"nı qabul etti. İşğalcilerniñ maqsadı, balalar parad formasında "Rusiyege sadıq hızmet etecegine" söz bermeleri edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız