İşğal etilgen Qırımda Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (Aqmescit), Yalta, Aluşta ve Saq şeerlerinde "Sarı şerit" areketiniñ faalleri yañı narazılıq aktsiyasını teşkil etip, cemaat yerlerinde "10.22.24" şiarlarını yerleştirdiler. Olar Ukrayina Silâlı quvetleriniñ selâmlavı olaraq tarif etile.
Areket Telegramda bu aqqında bildirdi.
"10.22.24" yazısı — faallerniñ fikirince, bu UHH elifbesiniñ üç simvoldan ibaret olğan şifredir. Rusiyede böyleliknen ukrayin arbiyleriniñ selâmlarına qoşulğanlarını añlattılar.
"Sizniñ küçüñiz, cesürligiñiz ve qaramanlığıñız olmasa edi, küreşmege küçümiz qalmaz edi. Siziñ sayesinde biz er kün ilham alamız — ve sizi evimizde, ukrayin Qırımında bekleymiz", — dep areket muracaatında aytıla.
Hatırlatamız, "Sarı şerit" areketiniñ bütünukrain fleşmobına, Menlik ve Azatlıq Kününe bağışlanğan, belli ukrayin ressamları, cemaat erbapları, göñülliler, matbuat vastaları, yüzlerce tasil müessiseleri ve bütün memleketten ve çetelden kelgen adiy insanlar qoşuldı. Aktsiya dünyağa ukrayinlerniñ işğalde dayanıqlılığı ve er künlik tirenüvini hatırlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız