Balıqlava plâjı yıqıluvlar sebebinden daa telükeli oldı

İşğalli "mütehassıslar" işğal etlgen Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Balıqlavanıñ Vasıleva balka plâjını Qırımnıñ eñ telükeli plâjı olaraq tanıdılar. Bu yerde dağ taşlarınıñ en sıq köçüvi ola ve işğalli akimiyetniñ areketleri, meselâ, ağaçlarnıñ kesilmesi ve töpelerniñ yoq etilmesi sebebinden ola.

TASS Rusiye devlet agentligine işğalli "Qırım tabiat resursları ve ekologiya departamenti" bunı bildirdi.

Vasıleva balka plâjı Balıqlava körfezine kirişniñ ğarbında açıq deñiz yalısında yerleşe. 2022 senesiniñ başında uçurumdan tüşken taşlar tükân kiosklarını yoq etti. O vaqıt kimse zararlanmadı — bundan soñ plâj resmen qapatıldı, amma insanlar onı ziyaret etmege devam ettiler.

"Bu rayonlarda yalı kenarınıñ açıq qısmı dağlarnıñ tabiiy yelnen sızuvına oğray. Dağ taşlarınıñ parçaları deñişip tura. Eñ büyük telüke — yalı kenarınıñ şarqiy qısmıdır, anda büyük dağ parçalarınıñ bir qaç qırığı qayd etildi", — dep TASSnıñ sualine işğalli "Sevastopol tabiat nezareti"niñ cevabında aytıla.

TASS agentliginiñ bildirgenine köre, "department"niñ bildirgenine köre, çatırlarnıñ peyda oluvınıñ bir sebebi — adamnıñ areketli faaliyeti, meselâ, ağaçlarnı kesüv ya da töpelerni yarav.

Hatırlatamız ki, işğal altındaki Sevastopol (Aqyar) civarında Rusiye yarım asırdan ziyade yaşı olğan tamırları ve tereklerini kesip ala. İşğalciler 100 gektardan ziyade topraqnı Yekaterinburg "investorı"na berdiler, bundan evel onı başqa maqsatnen qullanğan ediler. Vesiqalarğa köre, anda bağlar peyda olacaq edi, lâkin yerli sakinler, orman massivi yerinde kottec şeeriniñ qurulması aqqında aytalar, dep MMM bildirdi.

Qırımtatar Resurs Merkezi BMTnıñ İnsan aqları yuqarı komissarınıñ Ofisine Rusiyeniñ Qırım işğali sebebinden Qırımda yüz bergen ekologik felâket aqqında esabat berdi. QRMniñ mütehassısları yarımadada çeşitlikniñ ciddiy ğayıp oluvını qayd ettiler, bu da nezaretsiz qurucılıq, arbiy talimler, resurslarnıñ barbarca qullanuvı ve halqara ekologik qaidelerniñ körmemezlikke urulması neticesinde oldı.

Читати ще