İşğal etilgen Qırımda qış mevsimine Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yapma gölünde suv seviyesini temin etip olamadılar. Bu sene ilk yaz ayından berli rezervuardan suv çıqarılsa da, yağanaqlar az olğanı sebebinden, o, toldurılmadı.
Biloğirskten (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) bir topraqşınas, "Radio Svoboda"nıñ "Qırım aqiqatı" leyhasınıñ tefsirinde anonimlik şartınen bunı bildirdi.
Onıñ aytqanına köre, yapma gölü yarımadanıñ cenübiy-şarqiy qısmınıñ suv telükesizligi içün strategik emiyetke maliktir. O, Tayğan yapma gölüni toldurmaq içün qullanılğan temiz tatlı suv anbarıdır. Bu sebepten, ilk yaz ayından başlap, Biloğirsk yapma gölünden suv çıqarılmay.
"Tayğan yapma gölündeki suv pek az qalğanınıñ ekinci sebebi, bu yıl pek az yağğan yağanaqlarnen beraber, iklim şaraitine bağlı olğan özenniñ tabiiy aqımı sayesinde, Büyük Qarasuv özenindeki Biloğiskr yapma gölünden suvnen toldurıla", — dep añlattı memleketşınas.
İşğal etilgen Qırımnıñ Devlet suv hocalığı komissarlığınıñ malümatına köre, yapma gölüniñ kerçek tolulığı 16,2 million kubometrni teşkil ete. Onıñ qayd etkenine köre, Tayğan yapma gölüne suv, 19 million kubometrden ziyade olğan suv seviyesine irişecek soñ berilecek.
Yerli topraqşınas yaz başında Qırımda eñ çoq suv alğan Biloğirsk yapma gmlüniñ suvları azlaşqanını bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız