Boş aynıñ 13-nde işğal etilgen Qırımda ve Qara deñizde, Rusiye Mudafaa nazirliginiñ bildirgenine köre, Rusiye AMSAva mudafaası sisteması uçucısız uçaq aletleriniñ ücümini toqtatıp, 24 dronnı urdı. "Qırım yeli" Telegram kanalı yerli sakinlerge atfı etip, işğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) bu gece olğan patlavlar aqqında haber ete.
UPD // Ukrayina Silâlı quvetleriniñ Baş ştabı işğal etilgen Qırımda "Deñiz neft terminalı" neft mahsulatlarınıñ saqlanuvı, "Kirovske" ava limanında helikopterler turağı ve UUAleriniñ saqlanuv ve azırlav yerleri, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında AMSnıñ radiolokatsiya stantsiyasına ücüm etkenini tasdıqladı.
UPD 2 // Ukrayina Silâlı Quvetlerniñ uçucısız sistemalar quvetleri bildirdi ki, boş aynıñ 13-ne keçer gecesi USQniñ 1-inci ayrı merkeziniñ (BpAK 14-ünci ayrı polkunıñ) operatorları işğal etilgen Feodosiyadaki (Kefedeki) "Deñiz neft terminalı"na ücüm etti.
"Terminal, Qırım yarımadası ve vaqtınca işğal etilgen Ukrayina cenübiy topraqlarına deñiz yolunen yaqarlıq ve yağ malzemeleriniñ ketirüviniñ esas noqtasıdır. Zarar neticesinde şirketniñ toprağında yanğın çıqtı. Zarar körgenlerniñ tafsilâtları aydınlatıla", — dep qayd etildi.
Bundan da ğayrı, bölükniñ malümatına köre, dronlar "Orion" ücüm-istihbarat uçucısız uçaq aletleriniñ saqlav ve hızmet etüv bazasına (Kirovske, Qırım Muhtar Cumhuriyeti) uruldı.
"Bu UUAleri ava bombası ve ava-yer raketalarını taşıy bile", — dep arbiy hızmetçiler añlattılar.
Boş aynıñ 13-nde saba saat 8-ge qadar Qara deñizde ve Qırımda dronlarnıñ tüşürilüvi aqqında Telegramda Rusiye Mudafaa nazirliginiñ matbuat hızmeti bildirdi.
"Boş aynıñ 12-sinde saat 23:00-ten (Moskva vaqtı boyunca) boş aynıñ 13-ünde saat 8:00-ge qadar AMSniñ nevbetteki quvetleri 130 ukrayin uçucısız uçaq aletini tuttı ve yoq etti. 17-si — Qara deñiz üzerinde, 7si ise Qırım toprağında", — dep qayd etildi.
"Qırım yeli" Telegram kanalı işğal etilgen Feodosiyada (Kefede) patlavlar aqqında haber etti.
Saba şeerniñ demiryol keçiti qapatıldı. Şeerniñ işğalli akimiyeti resmiy izaat bermedi.
Feodosiyanıñ qısmında yarıqnıñ qaza neticesinde söndürilgeni aqqında "Krımenergo" işğalli müessisesi haber etti.
Hatırlatamız ki, işğal etilgen Qırımda AMS işiniñ, patlav aqibetleriniñ, arbiylerniñ yerleşüv yerleriniñ çekilmesi yasaq etile. Böyle areketler içün para cezası — 3 biñden 100 biñge qadar ruble (tahminen 1000-den 33 biñge qadar ğrıvnâ — muar.).
Ukrayina arbiy hızmetçileri "Qırımğa ücüm" aqqında bir şey aytmadılar.
Hatırlatamız ki, USQniñ Uçucısız Sistemalar Quvetleri boş aynıñ 11-nde işğal etilgen Feodosiyadaki (Kefedeki) neft terminalınıñ zarar körgenini videoğa çıqardı.
Baş ştabnıñ malümatına köre, rezervuarğa ücüm qayd etildi, zarar miqdarı şimdilik belgilene.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız