İşğal etilgen Qırımda "Sarı şerit" areketiniñ iştirakçileri nevbetteki narazılıq aktsiyasını teşkil ettiler. Timsallerni Simferopol (Aqmescit), Sevastopol (Aqyar) ve Yaltada yerleştirdiler.
Areket Telegramda bu aqqında bildirdi.
"Qırımda "Sarı şerit" areketiniñ faalleri sayesinde muqavemet devam ete: "Ї" harfi ile yazılğan stikerler Simferopol (Aqmescit), Sevastopol (Aqyar) ve Yalta kibi şeerlerni qaplap aldı. Qabaatlav artmaqta, çünki yerli sakinler, yıllar devamında Rusiye propagandasına baqmadan, Qırım Ukrayinanıñ parçası olğanını hatırlaylar ve isbatlaylar", — dep haberde aytıla.
Hatırlatamız, ukrayin yazısı ve tili kününe "Sarı şerit" areketi de "Ї" adlı narazılıq aktsiyasını teşkil etti. O vaqıt Melitopol, Sevastopol (Aqyar), Donetsk, Luğansk, Yevpatoriya, Mariupol, Tavriya şeerlerinde qarşılıq timsalleri tarqalğan edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız