2025 senesiniñ yazında işğalciler Qırımda 17 insannı Ukrayina mahsus hızmetlerinen işbirlik yapqanında qabaatlap tuttılar.
"Tribunal. Qırım epizodı" bu aqqında haber etti. Böylece "Qırımda terakt azırlağanı içün" 19 yaşındaki yigitniñ yaqalanğanına dair malümat izaatlandı.
"Beyanattan añlaşıla ki, "qatil" bomba qoyulğan yerde tutulmadı, evniñ bir yerinde tutuldı. İşğal etilgen topraqta çalışuv usullarını köz ögüne alsaq, bütün bu keskin ikâyeni başından soñuna qadar uydurmaq mümkün. Elbette, işğal etilgen topraqta vatandaşlarnıñ taqip etilmesiniñ daa bir qurbanı olğan 19 yaşındaki Simferopollıdan (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adliden — terciman) ğayrı. Tek 2025 senesi yazda ukrayin mahsus hızmetlerinen işbirlik yapqanda qabaatlanıp 17 Qırım sakini tutulğanı aqqında belli oldı", — dep resurs yazdı.
Hatırlatamız ki, orta küz ayınıñ 28-nde işğalciler Qırımdaki teraktnı toqtatqanlarını bildirdiler. Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki FSBniñ versiyasına köre, Rusiyege boysunğan yarımada İçki işler nazirliginiñ yüksek vazifeli hadiminiñ maşinasını patlatmağa planlaştırğan 19 yaşındaki Qırım sakini tutuldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız