İşğal etilgen Qırımnıñ Rusiye akimiyeti altı aydan berli Aluşta ve Yalta arasında №52 trolleybus marşrutını ğayrıdan tikleyalmay. Bu marşrut saban ayında qapatılğan edi. Tamir işlerini yazğa qadar bitireceklerine dair çoq söz berilse de, elektrik naqliyat alâ daa çalışmay.
Aqyarnıñ ForPost haber portalında bu aqqında haber etile.
Qırımnıñ işğalci ükümetiniñ bildirgenine köre, kontakt ağınıñ yañartıluvı 2025 senesi ilk yaz ayı 1-ne qadar yekünlenmek kerek. Amma ekim ayınıñ soñu, ve neticeler yoq.
"Simferopol - Yalta" marşrutı Angara keçitinden saban ayınıñ 20-nde yolunıñ tamiri sebebinden qapatıldı. Trolleybus yerine No53 avtobusı çalıştırıldı. İşler bir qaç kere, başta arman ayına, şimdi ise belli olmağan müddetke avuştırıldı.
"Yañı bir çoq iş bar: kontakt ağımız bütünley ğayrıdan tiklenmedi ve ast stantsiyaları yapılması kerek. Bizni qonuşqanlar ya da keçik vazifeler içün mesüliyetli olğanlar yaramay köreler. Şimdiki vaqıtta ağımıznıñ 60%-ı quruldı. Kelecek kurort mevsiminiñ başlanuvına, ğaliba, yetiştirmeycekmiz", — dep ForPostqa "Qırımtrolleybus"nıñ tehnikiy müdiri Andrey Levaşov ayttı.
1959 senesinden berli Simferopoldan (AqmescittenRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) deñizge qadar trolleybus yolu çalışa, eki yıldan soñ ise Yaltağa qadar uzatıldı. 85 kilometrlik marşrut Dünya rekordlar kitabına dünyanıñ eñ uzun marşrutı olaraq kirsetilgen.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız