Işğal etilgen Qırımda Rusieniñ idaresi altındaki Razdolne rayon makemecisı Mariya Bedritska Razdolne köyüniñ 70 yaşındaki sakini Tamara Bratsevağa 6 yıl 3 ayğa şartiy muddetke maküm etti. Ekstremist teşkilâtini teşkil ete. Onı 6 yıl 3 ayğa şartlı maküm ettiler.
Bu aqta “Yehova Şaatları” Avropa birleşmesi haber ete.
Tedqiqatqa kore, 2021 senesi ilk küz ayıdan 2024 senesi arman ayığa qadar Bratseva «imanlılarnen onlayn korüşüvler keçirdi, anda yasaq etilgen teşkilâtnıñ ğaelerini teşviqat etti». 2024 senesi arman ayında bu işnen bağlı Rozdolnıy, Senokosnıy, Aluştadan kelgen altı imanlınıñ evlerinde tintüvler keçirildi - telefonlar, kompyüterler, şahsiy yazmalar.
Prokuratura qadınğa aqiqiy 6 yıl 4 aylıq apske alınuv cezasını talap etti. Onıñ advokatı bu ricanı «ahlâqiy tüşüv» dep adlandırdı.
"Ayıplav tarafınıñ böyle qattı cezanı — tek "qabaatı" dua oquğanı, Muqaddes Kitapnı oquğanı ve vicdanı boyünca yaşamağa tırışqan adamnı apske almaqnı talap etmesi tek uquqiy yañlışlıq degilʹ. Bu ahlâqiy yıqıluvdır", - qorçalayıcı makeme munaqaşaları vaqtında dedi.
Tamara Bratseva Rozdolne şeerinde 40 yıldan ziyade yaşadı, olardan aman-aman 35 yılında yemek sağlığı ve havfsızlığı boyünca müendis olıp çalıştı. O, makemede böyle bildirdi:
“Eger men ekstremizmnen oğraşam, Yehovanıñ Şaatları olıp qalıp olamaz edim, çünki endi Muqaddes Kitapnıñ talaplarına cevap bermeycegim», — o, mahkemege dedi.
Diñlevler vaqtında yarım asırdan ziyade evli olğan aqayı maşnada ilâc almaq içün ketkende avtomobil qazasına oğray. Hastahanede oña miy şişigi ve gematoma diagnozı qoyüldi. Bu haber qadınğa ağır zarba oldı — diñlevler vaqtında onıñ qan basımı keskin koterildi, o, tap makeme zalında ilâc içti. Qarar çıqarılğanına baqmadan, Tamara ozüni qabaatsız saya.
“Aqiqiy serbestlik — bu sen olğan erde degil, içindeki aqiqattır”, — o, seanslardan birinde dedi.
Avropa “Yehova Şaatları” birleşmesiniñ malümatına köre, soñki edi yıl içinde Qırımda eñ azdan 30 adam öz imanı içün taqip etildi.
Rusiye Yüqarı makemesi «Rusiyedeki Yehova Şaatlarınıñ memuriy merkezi»ni 2017 senesi ekstremist teşkilâtı olaraq tanıdı, ondan soñ onıñ Rusiye Federatsiyasındaki bütün filiallarınıñ faaliyetini yasaq etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız