Ukrayina uquq qorçalayıcıları Ukrayina İçki işler nazirliginiñ Qırım Muhtar Cumhuriyetindeki baş idaresiniñ Kirovske rayon bölüginiñ ceza taqiqatı bölüginiñ sabıq hadimi ve Novoozerne qasaba militsiya bölüginiñ sabıq inspektor-nevbetçisine devlet hainligiUkrayina CQniñ 111-nci maddesiniñ 1-nci qısmınde şübe bildiridiler. Olar 15 yılğa qadar apis cezasını ala bileler.
Orta küz ayınıñ 24-nde Ukrayina havfsızlıq hızmetiniñ QMCdeki Baş idaresi bu aqqında haber etti.
Taqiqat malümatına köre, 2014 senesi yarımada işğal etilgen soñ şübelengenler Rusiye tarafına keçip, "Rusiye İçki işler nazirligi"niñ erkânına kirdiler. Olar on yıldan berli işğalli Rusiye akimiyetine hızmet eteler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığınıñ haber etkenine köre, olardan biri "Rusiye İçki işler nazirliginiñ Yevpatoriyadaki (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki — terciman) memuriy qanunlarnı yerine ketirüv gruppasınıñ baş inspektorı" vazifesini aldı. Bundan soñ adam "qasaba vekâletlileri ve çağına yetmegenlerniñ davaları bölüginiñ yolbaşçısı" ve bu bölükte "2-nci polis bölüginiñ yolbaşçısı" oldı.
Diger şübelengen adam 2014 senesinden soñ "Rusiye İçki işler nazirliginiñ Kirov rayonındaki bölüginiñ 1-nci polis bölügi"niñ yolbaşçısı edi.
"Qabaatlanğanlar öz vazifelerinde yarımadada işğalli içki işler organlarınıñ çalışmasına yardım eteler, em de istilâcı devletniñ vekillerine Ukrayinağa qarşı bozuv faaliyetini alıp barmaqta yardım eteler", — dep muhtariyet prokurorlığı bildirdi.
Suspilne Qırımnıñ malümatına köre, söz Aleksey Yakovlev ve Aleksandr Fedorinin aqqında kete.
Daa evel UHH, "A.S. Puşkin adına devlet bediiy sanat müzeyi" Federal devlet bücet medeniyet müessisesiniñ "Bospor ekspeditsiyası"nıñ reberi Vladimir Tolstıkovnı qıdıruvğa ilân etti. Onı Qırımda qanunsız şekilde qazma işleri yapqanında qabaatlaylar.
Hatırlatamız ki, QMC prokurorlığınıñ malümatına köre, 2025 senesiniñ başından başlap işğal etilgen yarımadadan 194 insanğa duşmannen işbirlik faaliyetinde, cenk cinayetlerinde ve istilâcı devletke yardım etüvde şübe bildirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız