İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) gripp ve ORVİSalqın hastalıqları hastaları içün yataqhane yetmey, olarnıñ sayısı ep arta. Ayrı yerler yaralanğan Rusiye arbiy hızmetçileri ve işğalli memurları içün ayırıla.
Orta küz ayınıñ 20-nde "Sarı şerit" cemaat qarşılıq areketi Telegramda bu aqqında haber etti.
"Aynı maqsatnen, bir qaç aydan berli hastalarnıñ hastahanede (atta bala bölüklerinde) bulunması qısqartıla, hastalarğa evde tedaviylevni devam etmege tevsiye etile", — dep faalciler qoştılar.
Hatırlatamız ki, işğalciler yaqarlıq qıtlığı sebebinden Qırımda "acele yardım" maşnalarınıñ seferlerini sıñırladılar. İnsanlarğa hastahanelerge öz başına barmağa tevsiye eteler, dep Milliy muqavemet merkezi bildirdi.
Evel "Sarı şerit" areketiniñ iştirakçileri bildirdiler ki, Sevastopol (Aqyar) universitetlerinde işğalciler studentlerni qan bermege çağıralar. Faalcilerniñ fikirince, qan işğal etilgen Qırımda Rusiye arbiy hastahanelerine kete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız