İşğal etilgen Qırımdan daa eki "makemeci"niñ davaları makemege yollanıldı. Olarnı Ukrayinada duşmannen işdeşlik maddesi boyunca ğıyabiy şekilde maküm etecekler. Taqiqatnıñ malümatına köre, makee etilcekler Qırım faalcilerine ükümler çıqardılar.
Ukrayina havfsızlıq hızmetiniñ Qırım Muhtar Cumhuriyetindeki idaresi bu aqqında haber etti.
Suspilne Qırım menbalarınıñ malümatına köre, söz İrına Bleyz ve Zoya Boyko aqqında kete. Evel olar ekisi de devlet hainliginde qabaatlanıp, ğıyabiy şekilde apis cezasını alğan edi.
UHHniñ malümatına köre, şimdi olar işğal etilgen "Qırım Cumhuriyeti Yuqarı mahkemesi" ve "Sevastopol şeer makemesi"nde qanunsız faaliyet keçireler. Taqiqatnıñ malümatına köre, olar bu vazifelerge 2023 ve 2024 seneleri kirgenler.
"Bilgenimizge köre, eki mabüs de yarımada zapt etilgen soñ Rusiye Federatsiyasınıñ qanunsız makeme organlarında "kariyerası"nı başlattı. 10 yıldan ziyade olar istilâcı devletniñ adından ve menfaatları içün "adalet"ni yerine ketireler, em de Qırım faalcileriniñ qarşılıqlarını bastırmaq içün qanunsız ükümlerni alalar", — dep UHH añlattı.
Qırım Muhtar Cumhuriyeti prokurorlığı bildirdi ki, bu areketleri içün olarğa 15 yılğa apis cezası berile bile. Olarnı Ukrayina Ceza qanunnamesiniñ 111-1 maddesiniñ 7-nci qısmıduşmannen işdeşlik faaliyetina istinaden mahkeme etecekler.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız