İşğal etilgen Qırımda resmiy ayvan sığınaqları ve kerekli veterinar nezaretiniñ qıtlığı bar. Şahsiy göñülli meydançıqlar ise sıq-sıq tolu ola ve eñ azından sanitariya, telükesizlik ve ahlâqiy qaidelerge riayet etmeyler.
"Sarı şerit" areketi Telegram kanalında bunı bildirdi.
Faalciler, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Orlıne köyündeki "Bim" sığınağını meseleniñ parlaq bir örnegi olaraq tanıylar. Anda, bala bağçasınıñ yanında, 200-den ziyade köpek tutula, sığınaqnıñ saipleri olarnı muntazam sürette kezdireler. Areket iştirakçileriniñ qayd etkenlerine köre, bunıñ neticesinde temizlik qaideleriniñ bozuluvı, qoqusı ve devamlı afırdama tarqatıla, yerli sakinler ise balalarnı tişlegeninden şikâyet eteler.
"İşğalli Rusiye mahkemesi 2022 senesi obyektni qapatmaq qararını aldı, lâkin qarar körmemezlikke urula, "akimiyet" ise teşkerüv devam etkenine beyan ete. Bu qorqunçlı bir vaziyettir: Qırımdaki Rusiye quvetçileri içtimaiy ağlarda er kün ukrayin tarafdarları yazğan yazılarnı ve Qırım sakinleriniñ paylaşqanlarını tapmaqnen o qadar meşğuller ki, kerçek meselelerni çezmek içün vaqıtları qalmay", — dep faalciler qayd eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız