Askerleri vaqtınca işğal etilgen Qırımnı arbiysizleştirmek içün çalışqan Ukrayina Mudafaa nazirliginiñ Bİİniñ "Prımarı" mahsus bölügi ukrayinlerni Mustaqillik kününen hayırladı. Yarımadada keçirilgen mahsus tedbirlerniñ videoları derc etildi.
Bİİ videonı Telegramda derc etti.
"Askerleri vaqtınca işğal etilgen Qırımnı arbiysizleştmek içün muntazam sürette çalışqan Ukrayina mudafaa nazirliginiñ Bİİniñ "Prımarı" mahsus bölügi yarımadada arbiy işiniñ ateşli kadrlarınen Ukrayina milletini Mustaqillik kününen hayırlay. Qırım — Ukrayinadır! Ukrayinağa şan-şerefler!" — dep haberde qayd etildi.
Hatırlatamız ki, Ukrayina Mudafaa nazirliginiñ “Timur mahsus bölügi“niñ "Qardaşlıq" bölüginiñ askerleri, 2023 senesi arman ayınıñ 24-de mahsus operatsiyanı nasıl teşkil etkenleri aqqında Suspilne Qırımğa tarif ettiler. O vaqıt ukrayin qayıqları işğal etilgen Qırımnıñ ğarbiy yalısına kelip yetti. Yarımada Rusiye tarafından işğal etilgen soñ ilk sefer Bİİniñ bir qaç on mahsus hızmetçisi yalığa çıqtı ve anda Ukrayina bayrağını açtı.
Mahsus operatsiyanıñ vazifeleri arasında Rusiye RLSnı yoq etmek de bar edi.
Ukrayina istihbaratçıları onı muvafaqiyetnen eda etip, qıtağa zarar körmeden qaytıp oldılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız