Arman aynıñ 23 Avropada stalinizm ve natsizm qurbanlarını añuv künüdir. Şimdi işğal etilgen Qırım eki rejimden de zarar kördi, dep hatırlata "Qırım platforması".
Bu aqta platformanıñ saytında bildirile.
"1941-1944 seneleri Qırımnı almanlar işğal etüv vaqtında faşistlerniñ elinden on biñlernen adam elâk oldı. Kütleviy atışmalarnıñ qurbanı qırım yeudiyleri ve qaraylar oldılar, olarnı işğalciler sistematik sürette yoq ettiler. Yarımadanıñ bazı sakinleri de zorlap emekke, basqılarğa, ölümge oğradılar. Bu cinayetlerniñ hatırlavı natsizmniñ tınç halq içün deşetli neticelerini hatırlata", — dep, qayd etile haberde.
1944 senesi Stalin akimiyeti qırımtatar halqını sürgün etti.
"Qırım içün bu teren faciağa çevirildi, onıñ neticeleri şimdi de duyula. Avropada stalinizm ve natsizm qurbanlarını añuv künü milletimiz keçmek kerek olğan deşetli vaqialarnı, insan ömürini degersizleştirgen totalitar mefkürelerniñ ne qadar havflı olğanını hatırlata."
Keçmiş facialarını hatırlav böyle cinayetlerniñ tekrarlanmaycağına kefalet olmaq kerek, dep qayd ete "Qırım platforması".
Читати ще
Telegram, WhatsApp, Facebook ve YouTube-ta Suspilne Qırım haberlerine abune oluñız