2025 senesi ilk küz ayınıñ 1-nden başlap işğalciler Qırımda şahsiy topraqlarnı cedvelge almağa planlaştıralar. Yarımadada Rusiye akimiyeti Qırım sakinleriniñ öz şahsiy mülkiyetini 6 ay devamında coya bileceleri bir sıra kriteriy belgiledi.
Milliy muqavemet merkezi Telegramda bunı bildirdi.
"İşğalciler işğal etilgen Qırımda yañı "topraq basqısı"na azırlanalar. İlk küz ayınıñ 1-den başlap şahsiy topraqlarnıñ alınuvı başlanacaq. İşğalciler, "baqılmağan topraqlarnı tapmaq" maqsadınen, anda, meselâ, bir metrden ziyade ösken kiyik ot ya da ev bir yıl devamında tamirlenmegen olsa, er şeyni ala bilirler. Yedi yıldan ziyade qurucılıq yapılmağan yer de "bağılmağan" sayılır. Yani şimdi er bir bağça ya da yaz evi telükede. "Bu bir abadanlıq degil — bu bir reyd ve Kremlniñ "özü"ne lâyıq olğan yañı qarardır", — dep haberde qayd etildi.
RİA "Novosti Krım"nıñ bildirgenine köre, Rusiye ükümetiniñ qararına binaen, aşağıdaki yerler terk etilgen sayılacaq:
- topraqnıñ yarısından ziyadesi çöplüknen ya da 1 yıl devamında metrden ziyade kiyik otnen qaplanğan olsa,
- 5 yıl devamında qurucılıq içün ayırılğan topraqlarda kerekli inşaatlarnıñ olmaması,
- 7 yıl içinde qurulğan bir evniñ olmaması.
- yarım yıqtırılğan binalar bir yıldan ziyade tamirlenmegen olsa.
İşğalciler, Qırımdaki topraqnı mahkeme qararınen yarım yıldan soñ ala bileler, neşir dep haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız