"Sarı şerit" qarşılıq areketiniñ temsilcileri işğal etilgen Aluştada, hususan yataq rayonlarında, kütleviy çöplüklerni qayd ettiler. Faalciler, kemiricilerni körgenlerini ve has bir qoqusını qayd etkenlerini bildirdiler.
Ukrainanıñ vaqtınca işğal etilgen topraqlarında "Sarı şerit" qarşılıq areketi Telegramda bu aqqında haber etti.
"Aluşta çöplüknen tolu, şeerniñ yataq kvartallarında — qoqu, "Sarı şerit" areketiniñ bir qaç faalcisi şıçavullar taqımı aqqında bildirdi", — dep haberde qayd etildi.
"Sarı şerit" areketiniñ derc etilgen videosında müellif, insanlarnıñ arabalarını çöplük yerleri yanında park etüvinen ve kommunal hızmetçilerniñ çöplükni alıp ketmemesinen bağlı meseleni añlata.
İşğalli Aluşta akimiyeti çöplük çıqarılmasınıñ keçiktirilüvi aqqında izaat bermedi.
RİA "Novosti Krım"nıñ bildirgenine köre, işğal etilgen Qırımnıñ Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında sert çöplük poligonı çalışıp başladı. İşğalli akimiyet yarımadada çöplük meselesiniñ çezilüvi ve ğayrıdan işlenüvi meselesini çezmek içün üç çöplük ekotehnologiya parkı kerek olğanını bildirdi. İşğalciler olardan ekisini 2025 senesi ve daa birini 2026 senesi çalıştırmağa vade ettiler, amma şimdilik bu leyhalar amelge keçirilmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız